என்னதான் டாக்டர் வீட்டுல ‘ஹோம் தியேட்டர்’ வச்சிருந்தாலும், அந்த தியேட்டர்ல வச்சு ‘ஆபரேஷன்’ எல்லாம் பண்ண முடியாது..!

‘‘தலைவர் அடிக்கிற லூட்டி தாங்கல...’’
‘‘ஏன்... என்ன செஞ்சார்?’’
‘‘விசிட்டிங் கார்டுல, அவர் இருக்கற ஜெயில் அட்ரஸையும் சேர்த்து அடிச்சிருக்கார்..!’’

‘‘தலைவரே... நீங்க பல இடங்கள்ல அவமானப்பட்டு சேர்த்த சொத்தெல்லாம் வீணா போகப் போவுது...’’
‘‘என்னய்யா சொல்ற..?’’
‘‘உங்க மேல ‘அவமானத்துக்கு அதிகமா’ சொத்து சேர்த்துட்டதா வழக்கு போட்டுருக்காங்க!’’

சாப்பாட்டுக் கேரியரை சைக்கிள் கேரியருல வைக்கலாம்; ஆனா, சைக்கிள் கேரியரை சாப்பாட்டு கேரியருல வைக்க முடியுமா?
- சைக்கிள் கேரியரில் தத்துவ மூட்டையோடு அலைவோர் சங்கம்

‘‘கோர்ட்டுல தலைவர் பேசினதைக் கேட்டு, ஜட்ஜ் கோபமாகிட்டாரா... ஏன்?’’
‘‘பொதுக் கூட்டம் மாதிரி மூணு மணி நேரம் நிறுத்தாம பேசினாராம்...’’

‘‘நான்தான் சொன்னேனே... மாப்பிள்ளை வீட்டுக்காரங்க ரொம்ப பெரிய இடம்னு!’’
‘‘அதுக்காக பொண்ணு பார்க்க வர்றதுக்கே மாப்பிள்ளைக்கு புது கார் வாங்கித் தரச் சொல்றது நல்லாயில்லை..!’’

‘‘நம்ம டாக்டர் ஏன் பதற்றமா இருக்காரு..?’’
‘‘பேஷன்ட்டை பார்க்க வந்த விசிட்டர் ஒருத்தருக்கு தவறுதலா ஆபரேஷன் பண்ணித் தொலைச்சிட்டாராம்!’’