‘‘தொலைவில் வரும் புறாவை தொலைநோக்கியில் பார்த்தே, அது எத்தனை கிராம் இருக்கும் என்று மன்னர் சொல்லிவிடுவாராம்... இது எதைக் காட்டுகிறது?’’ ‘‘மன்னருக்கு எடை நோக்குப் பார்வை அதிகம் என்பதைத்தான்!’’

என்னதான் விதி விளையாடினாலும், அதால ஒரு பரிசு கூட வாங்க முடியாது. - போட்டிகளில் தொடர் தோல்வியடைந்து, விதியை நினைத்து புலம்புவோர் சங்கம்

‘‘தண்ணியடிச்சிட்டு பேங்குக்குப் போனது தப்பாப் போச்சு...’’
‘‘ஏன்... பேலன்ஸ் இல்லைன்னு திருப்பி அனுப்பிட்டாங்களா?’’
‘‘ம்ஹும்... அது பேங்க்கே இல்லைன்னு திருப்பி அனுப்பிட்டாங்க..!’’

‘‘தவறான வழியில சம்பாதிச்ச பணம் நிலைக்காதுய்யா...’’
‘‘திடீர்னு இதை ஏன் சொல்றீங்க தலைவரே... உங்க வீட்ல ரெய்டு ஏதும் நடந்துடுச்சா?’’

ஒரு இட்லிக்கு நாலு விதமா சட்னி பண்ணலாம்; ஆனா ஒரு சட்னிக்கு நாலுவிதமா இட்லி பண்ண முடியுமா? - இட்லிக்கு மாவாட்டும் பரிதாப கணவன்மார் சங்கம்

‘‘சனியோட பார்வை உங்க மேல இப்ப விழுந்திருக்கு தலைவரே..!’’

‘‘சனியோட பார்வை இருக்கட்டும் ஜோசியரே! சிபிஐயோட பார்வை என் மேல விழுந்திருக்கான்னு மட்டும் பார்த்துச் சொல்லுங்க...’’


‘தீராவலி’க்கு மாத்திரை கொடுக்கலாம்; ‘சூறாவளி’க்கு மாத்திரை கொடுத்து குணப்படுத்த முடியுமா?- சூறாவளியால் தீராவலிக்கு ஆளானோர் சங்கம்- பெ.பாண்டியன், கீழசீவல்பட்டி.