என்னதான் பெரிய மந்திரவாதியா இருந்தாலும், கோர்ட் கூண்டுல ஏறிட்டா ‘வாதி’ன்னுதான் சொல்வாங்க; ‘மந்திரவாதி’ன்னு சொல்ல மாட்டாங்க!
- மந்திரவாதிகளை கோர்ட் கூண்டில் ஏற்றிப் பார்க்க ஆசைப்படுவோர் சங்கம்


என்னதான் தேனை நீரில் கலந்து சாப்பிட்டாலும், அதைத் ‘தேனீர்’னு சொல்ல முடியாது.
- டீக்கடை பெஞ்சில் தத்துவம் தேடுவோர் சங்கம்

வாள் போர்ல வாளைப் பார்க்கலாம்; ஈட்டி போர்ல ஈட்டியைப் பார்க்கலாம்; ஆனா பனிப்போர்ல பனியைப் பார்க்க முடியுமா?
- எப்போதும் ஏதாவது ஒரு போரில் ஈடுபட்டுக் கொண்டே இருக்க விரும்புவோர் சங்கம்

‘‘கபாலிக்கு நாம ரொம்ப இடம் கொடுத்துட்டோம் ஏட்டய்யா...’’
‘‘ஏன்... என்ன செய்யறான்..?’’
‘‘போலீஸுக்கும் எனக்கும் ‘தொப்பை’தான் வித்தியாசம்னு சொல்லிக்கிட்டு திரியறான்..!’’

‘‘எனக்கும் என் வீட்டுக்காரருக்கும் சண்டை வந்தா கோவிச்சிக்கிட்டு நான் பண்ண மொத்த சாப்பாட்டையும் எடுத்து ராப்பிச்சைக்கு போட்டுடுவாரு...’’
‘‘உங்க ரெண்டு பேரு சண்டைல பாவம் ராப்பிச்சையை ஏன் பழி வாங்கறீங்க..?’’

‘‘நீங்க எழுதின பாட்டு யாருக்குமே புரியலைன்னு சொல்றேன்... அதுக்கு சந்தோஷப்படுறீங்களே..?’’
‘‘ஈஸியா புரிஞ்சிருந்தா ஹிட் ஆகாதே...’’

‘‘தலைவர் ஏன் டாக்டர் பட்டம் வாங்கின கையோட நேரா எதிர்க்கட்சி ஆபீஸுக்குப் போறாரு..?’’
‘‘இதயமே இல்லாத எதிர்க்கட்சிக்காரங்களுக்கு, இதய மாற்று அறுவை சிகிச்சை செய்யப் போறாராம்..!’’