தமிழுக்கு ரஜினி என்றால் கன்னடத்துக்கு சிவராஜ்குமார். வாரிசு நடிகராக சினிமாவுக்கு வந்தவராக இருந்தாலும் தனித்துவமான நடிப்பால் மூன்று தசாப்தங்களாக உச்ச நடிகர் என்ற அடையாளத்தை தக்க வைத்துக் கொண்டுள்ளார். 

சில ஆண்டுகளுக்கு முன் ‘சன் பிக்சர்ஸ்’ தயாரிப்பில் வெளியான ‘ஜெயிலர்’ படத்தில் ரஜினியுடன் சேர்ந்து மாஸ் காட்டியவர் இப்போது ‘45’ படத்தில் மீண்டும் தமிழ் பேசவுள்ளார்.

சினிமாவில் இருபது வருடங்களாக இருக்கிறேன். சில வருடத்துக்கு முன் கதை எழுத நேரம் கிடைச்சது. எழுதி முடிச்சதும் யூனிக் ஸ்டைலில் கதை இருந்ததை என்னால் புரிஞ்சுக்க முடிஞ்சது.

என்னுடைய கதை சொல்லும் விதம் சிவாண்ணாவுக்கு பிடிச்சதோடு ‘இவ்வளவு அழகாக கதையை உள்வாங்கி வெச்சிருக்கீங்க, உங்களைத்தவிர வேறு யார் இந்தப் படத்தை செய்தாலும் இவ்வளவு நேர்த்தியா வருமான்னு தெரியலை. 

நீங்களே டைரக்‌ஷன் பண்ணுங்க. நான் நடிக்கிறேன்’னு சொல்லிட்டார்.சிவாண்ணா கால்ஷீட் இருந்தால் தயாரிப்பாளர் கிடைப்பதில் சிரமம் இருக்காது. அப்படி இந்தப் படத்தை தயாரிக்க ரமேஷ் சார் முன் வந்தார். நடிகர், தயாரிப்பாளர் கிடைத்தாலும் டைரக்டராக என்னை நான் எப்படி தயார் செய்யப்போகிறேன் என்ற கேள்வி இருந்துச்சு.

முதலில் ஒரு வெர்ஷன், அப்புறம் இன்னொரு வெர்ஷன்னு கிட்டத்தட்ட மூணு முறை எடுத்தேன். ஃபைனல் வெர்ஷனை சிவாண்ணா, உப்பி (உபேந்திரா) சார், ராஜ் பி.ஷெட்டி என எல்லோரிடமும் காண்பிச்சேன். 

பொதுவாக ஹீரோவிடம் கதை சொல்லி கால்ஷீட் வாங்குவார்கள். நான் படம் காண்பிச்சு கால்ஷீட் வாங்கினேன். எல்லோருக்கும் கதை, காட்சியோட நீளம் தெரியும் என்பதால் என்ன தேவையோ அதை மட்டுமே கொடுத்தார்கள். தேவை இல்லாத, வீண் என்று சொல்ல முடியாதளவுக்கு கதைக்கு என்ன ஃபுட்டேஜ் தேவையோ அதை மனசில வெச்சு ஒர்க் பண்ணினோம்.

வெளியேதான் அவர்கள் லெஜெண்ட். செட்டுக்கு வந்துவிட்டால் இயக்குநரின் நடிகர்களாக மட்டுமே தங்களை வெளிப்படுத்துவார்கள். இரண்டு பேரும் பல ப்ளாக்பஸ்டர் படங்களைக் கொடுத்தவர்கள். 

அவர்கள் செய்யாத - நடிக்காத - ஜானர் இல்லை. இதுல இரண்டு பேருக்கும் புது கேரக்டர். அதுவே அவர்களை உற்சாகமாக நடிக்கத் தூண்டியது. என்ன ஆச்சர்யம் என்றால் சிவாண்ணா டேக் போவதற்கு முன் பல முறை ரிகர்சல் பண்ணுவார். நடந்து வர்ற காட்சியாக இருந்தாலும் அதற்கும் ப்ராக்டீஸ் பண்ணுவார்.

உபேந்திரா நடிகர் மட்டுமல்ல. சிறந்த இயக்குநர். ஆனால், எந்த இடத்திலும் சின்ன சஜஷன் சொன்னதில்லை. ஷாட் எப்படி இருக்கும்ன்னு அவருக்கு தெரியும்.  நடிக்கும்போது அவருடைய பாடிலேங்வேஜுக்கு ஏற்ப மாடுலேஷனை மாற்றி நடிப்பார்.

ராஜ் பி ஷெட்டிக்கு கதையை மூவ் பண்ற மாதிரி முக்கியமான கேரக்டர். கன்னட சினிமாவுல முக்கியமான ரைட்டர் கம் ஆக்டர். எந்த ரோல் கொடுத்தாலும் அந்தக் கேரக்டராக மாறக்கூடியவர். உங்களுக்கு விஜய்சேதுபதி மாதிரி எங்களுக்கு ராஜ் பி ஷெட்டி.

நான் டைரக்‌ஷன் என்பதால் மியூசிக்கல் சப்ஜெக்ட்டாக இருக்கும்னு நினைக்கிறார்கள். உண்மையை சொல்லணும்னா படத்தில் பாடல்கள் கிடையாது. இந்தக் கதைக்கு பாடல் தேவைப்படவில்லை. புரோமோஷன் சாங் தீம் சாங் மட்டும் இருக்கும். 

மற்றபடி கதையோடு கலந்த பாடல்கள் இருக்காது. பின்னணி இசை அதை நிறைவு செய்துவிடும்.தமிழில் ‘கிக்’ படத்திற்கு இசை அமைத்தீர்கள். அதன்பிறகு உங்களைப் பார்க்க முடியவில்லையே?