மலை நகரம், மதுராநகர், பாண்டிய மாநகர், மல்லிகை மாநகர், வைகை நகரம், நான்மாடக் கூடல், திருஆலவாய், சுந்தரேசபுரி, மீனாட்சி நகரம் போன்ற பல்வேறு பெயர்களால் மதுரை சிறப்பு பெற்றிருந்தாலும், மதுரைக்கே உரிய தனிச்சிறப்பு என்றால் அது சித்திரைத் திருவிழாதான். 

மீனாட்சி திருவிழா, அழகர் திருவிழா என மொத்தம் 15 நாட்கள் இந்த திருவிழாவானது நடைபெறுகிறது. அழகர் திருவிழாவில் முக்கிய நிகழ்வான அழகர் வைகையாற்றில் எழுந்தருளும் நிகழ்ச்சியில் லட்சக்கணக்கான மக்கள் பங்கேற்பார்கள் என்பது திருவிழாவின் கூடுதல் சிறப்பு.

ஆனால், அழகர் வருவதற்குள் திருமணம் நடந்து முடிந்து விடுகிறது. வைகை வடகரையில் செய்தி கேட்ட அழகர் கோபம் கொண்டு வண்டியூர் சென்று விடுவதாக மக்களிடத்தே ஒரு மரபுவழிக் கதை வழக்கத்தில் உள்ளது. புராண வழக்கத்தின்படி அழகராகிய திருமால், மீனாட்சியாகிய பார்வதிக்கு அண்ணன் முறையாகிறது. 

அந்த வகையில் தங்கையின் கல்யாணத்திற்கு சீர் கொண்டுவருவது வழக்கம். அவ்வாறு அண்ணன் தங்கைக்கு சீர் கொண்டு வரும் நிகழ்ச்சி நாட்டுப்புறப் பாடல்கள் மூலம் மக்களிடம் உயிர்ப்புடன் வைத்திருப்பதை உணரலாம். ஆனால், இதுபோன்ற தாலாட்டுப் பாடல்கள் மற்றும் வர்ணிப்பு பாடல்கள் வாய்மொழியாக கடந்து வந்ததால், நிறைய பேர் வர்ணிப்பு பாடல்களை மறந்துவிட்டனர்.

இந்த கருப்பண சாமி குறித்து ஒரு மரபுக்கதையும், கதை பாடலும் சொல்லப்படுகிறது. மலையாளத்தில் இருந்து 18 லாடர்கள் அழகர்கோவிலில் கருவறையில் உள்ள அழகரின் களையை (இறைவனின் அருளொளியை) திருடி செல்வதற்காக வருகின்றனர். 

அவர்கள் அனைவரும் மாந்திரீக மந்திர மையை பூசிக்கொண்டிருப்பதால் யார் கண்ணிற்கும் தெரியமாட்டார்கள். அவர்கள் இரவு நேரங்களில் கருவறைக்குள் புகுந்து இறைவனின் களையை மந்திர வலிமையால் தாங்கள் கொண்டு வந்த கும்பத்திற்குள் அடைத்துவிடுவர். இப்படி கொஞ்சம் கொஞ்சமாக இறைவனின் களையை இறக்கி கொண்டே வந்தனர். ஒரு நாள் பட்டர் கனவில் தோன்றிய பெருமாள் நடந்ததை எடுத்துக் கூற, பட்டரும் மறுநாள் நாட்டார்களைத் திரட்டி இச்செய்தியைச் சொன்னார்.

அவர்கள் அனைவரும் ஒரு திட்டம் தீட்டி அதன்படி பட்டர் பூசை முடிந்து மிக அதிகமாக ஆவி பறக்கும் சுடுசோற்றை இறைவனுக்கு படைத்துவிட்டு கருவறையை பூட்டிவிட்டு வந்துவிட்டார். சூடான சோற்றில் இருந்து கிளம்பிய ஆவி லாடர்களின் கண்ணில் இருந்த மையைக் கரைத்துவிட்டது. 

அவர்கள் மற்றவர்கள் கண்களுக்குத் தெரிய ஆரம்பித்தனர். அவர்களை நாட்டார்கள் பிடித்துக்கொண்டு 18 பேரின் தலையையும் வெட்டி கோபுரவாசல் அடியில் புதைத்துவிட்டனர். அவர்களுடன் வந்த கருப்பசாமி என்ற தெய்வம் ‘‘என்னை விட்டு விடுங்கள். நான் இந்த கோபுர வாசலில் நின்று கோயிலைக் காவல் காத்துக்கொள்கிறேன்...’’ என்று கூறியதாக ஒரு மரபுக்கதை மக்களிடத்தில் வழக்கத்தில் உள்ளது.

திரி எடுத்து ஆடுபவர்கள் இடுப்பில் கச்சை எனப்படும் சிவப்பு நிற அரைக்கால் சட்டை, அதன் மேல் கருப்பு அல்லது சிவப்பு நிறத்தில் கருங்கச்சை எனப்படும் பட்டுத்துணி, தலையில் முக்கோண வடிவில் அமைந்த சிவப்பு நிறமுடைய லேஞ்சி எனப்படும் சிறிய துண்டு, கையில் திரி, காலில் சலங்கை ஆகியவற்றை அணிந்திருப்பர். 

இவர்கள் அழகர் மதுரைக்கு வந்து சேர்ந்ததும் சப்பரத்தடி கருப்பண கோயில் முன்பாக மருள் ஏறி ஆடுகின்றனர். அதேபோல் குறியும் சொல்கின்றனர்.குறி கேட்பவர் ‘ஆமாம் சாமி அத்தனையும் உண்மை’ என்பார். ‘இனி ஒழுங்காக இருக்க வேண்டும்’ எனக் கூறிவிட்டு அவருக்கு மறுவாக்கும் கொடுக்கிறார்.