ஸ்வல்பார்டு... ஆர்க்டிக் பெருங்கடலில் அறுபது சதவீதம் பனியாலும், உறைந்துபோன பனிக்கட்டிகளாலும், அடர்ந்த மலைத்தொடர்களாலும் நிறைந்த ஒரு தீவுக்கூட்டத்தின் பெயர் இது.

அதைப் பற்றி பார்க்கும்முன் இந்தத் தீவுக்கூட்டத்தைப் பற்றி இன்னும் சில சுவாரஸ்யமான விஷயங்களைப் பார்ப்போம். இந்தத் தீவுக்கூட்டத்தில் ஸ்பிட்ஸ்பெர்ஜென் தீவே பெரியது. இதில் மட்டுமே மனிதர்கள் வசிக்கின்றனர்.

2023ன் கணக்குப்படி இங்கு மொத்தம் 2 ஆயிரத்து 530 பேர்கள் வாழ்கின்றனர்.இதில், நார்வேயர்கள், ஜெர்மானியர்கள், ரஷ்யர்கள், போலந்துக்காரர்கள், ஸ்வீடன்காரர்கள், டென்மார்க்கைச் சேர்ந்தவர்கள் உள்ளனர். பெரும்பாலானவர்கள் கிறிஸ்துவர்கள். இதில் பலர் நிலக்கரிச் சுரங்க வேலைக்காக வந்து செட்டிலானவர்கள்.

பின்னர் 17ம் நூற்றாண்டில் இந்த நாடுகளைச் சேர்ந்தவர்கள் திமிங்கலங்களின் வேட்டைக்காக சிறிய குடியிருப்புகளை உருவாக்கினர். தொடர்ந்து இந்நூற்றாண்டின் முடிவில் வந்த ரஷ்யர்கள் ஆர்க்டிக் பிரதேசத்தின் பெயர்போன துரவக் கரடி, ஆர்க்டிக் நரி உள்ளிட்டவற்றை வேட்டையாடினர். நார்வேகாரர்கள் வால்ரஸ் எனப்படும் பனிக்கடல் யானைகளை வேட்டையாடினர்.

ஸ்வல்பார்ட் என்றால் நார்வே மொழியில் ஸ்வல் என்பது குளிரையும், பார்ட் என்பது விளிம்பையும் குறிக்கிறது. உலகின் விளிம்பில் உள்ள குளிர்பிரதேசம் என்பதை குறிக்க ஸ்வல்பார்ட் எனப் பெயர் வைத்துள்ளனர். 

இந்தத் தீவுக்கூட்டத்தின் மிகப்பெரிய நகரான லாங்இயர்பேய்ன் நிர்வாக மையமாகச் செயல்படுகிறது. இந்நகரிலேயே ஆளுநர் அலுவலகம், விமான நிலையம், மருத்துவமனை, ஆரம்ப மற்றும் இடைநிலைப் பள்ளி, பல்கலைக்கழகம், நீச்சல்குளம், நூலகம், கலாச்சார மையம், சினிமா, பேருந்து போக்குவரத்து, ஹோட்டல்கள், வங்கி மற்றும் பல அருங்காட்சியகங்கள் உள்ளன.

அதுமட்டுமில்லாமல் ‘ஸ்வல்பார்ட்போஸ்டன்’ என்கிற வார நாளிதழும் இங்கிருந்து வெளிவருகிறது. இப்போது முன்புபோல் இல்லாமல் சுரங்க நடவடிக்கைகளும் குறைந்த அளவிலேயே உள்ளன.

இங்கு சுற்றுலா வருபவர்கள் கோடைக்காலத்தில் நள்ளிரவு சூரியனையும், குளிர்காலத்தில் துருவ இரவுகளையும் தரிசிக்கலாம். இதனைக் கண்டுகளிக்க வேண்டி நிறைய சுற்றுலாப் பயணிகள் இத்தீவிற்கு படையெடுத்து வருகின்றனர். 

நள்ளிரவு சூரியன் என்பது அத்தீவில் நள்ளிரவு 12 மணிக்கும் சூரியன் தெரிவதைப் பார்க்கலாம். குறிப்பாக 24 மணி நேரமும் சூரியன் தெரியக்கூடியதாக இருக்கும். அதேபோல், துருவ இரவு என்பது 24 மணி நேரத்தைத் தாண்டியும் இரவு தொடரும். துருவப் பகுதியில் இத்தீவு இருப்பதால் இந்நிகழ்வுகள் கோடைகாலத்திலும் குளிர்காலத்திலும் சில மாதங்கள் ஏற்படுகின்றன.

அதுபோல மேற்சொன்ன பேரிழவுகளால் நாளை உலகம் அழிந்தாலும் எஞ்சியிருக்கும் மனிதர்களுக்கான உணவு சப்ளையில் எந்தத் தடங்கலும் வந்துவிடக்கூடாது என்பதற்காக உலகிலுள்ளமொத்த பயிர் விதைகளை இங்கு பாதுகாத்து பத்திரப்படுத்தி வருகின்றனர். 

அதனாலேயே இந்தத் தீவுக்கூட்டம் மிகமுக்கியமான பொக்கிஷமாகக் கருதப்படு

தொடர்ந்து 2006ம் ஆண்டு  இந்த விதைப் பெட்டகத்திற்கு அடிக்கல் நாட்டப்பட்டது. அன்று நார்வே, ஸ்வீடன், பின்லாந்து, டென்மார்க் மற்றும் ஐஸ்லாந்தின் பிரதமர்கள் சம்பிரதாயமாக இதற்கான முதல் கல்லை நட்டு வைத்தனர்.

பின்னர், 2008ல் நார்வே பிரதமர் ஜென்ஸ் ஸ்டோல்டன்பெர்க், ஐரோப்பிய யூனியன் தலைவர் ஜோஸ் மானுவல் பரோசோ, ஐக்கிய நாடுகள் சபையின் உணவு மற்றும் வேளாண்மை அமைப்பின் இயக்குநர் ஜெனரல் ஜாக்ஸ் ,அமைதிக்கான நோபல் பரிசு பெற்ற வாங்காரி மாத்தாய் ஆகியோர் முன்னிலையில் திறக்கப்பட்டது.

தற்போது 90க்கும் மேற்பட்ட வைப்பாளர்கள் தங்கள் பயிர் மாதிரிகளை இந்த விதைப் பெட்டகத்தில் பாதுகாத்து வைத்துள்ளனர். சர்வதேச மக்காச்சோளம் மற்றும் கோதுமை மேம்பாட்டு மையம் சுமார் ஒரு லட்சத்து 75 ஆயிரம் விதை மாதிரிகளையும், சர்வதேச நெல் ஆராய்ச்சி நிறுவனம் ஒரு லட்சத்து 26 ஆயிரத்திற்கும் மேற்பட்ட விதை மாதிரிகளையும், அரைக்கோள வறண்ட வெப்ப மண்டலத்திற்கான சர்வதேச பயிர் ஆராய்ச்சி நிறுவனம் ஒரு லட்சத்து 17 ஆயிரத்துக்கும் மேற்பட்ட விதை மாதிரிகளையும், உலர் பகுதிகளின் வேளாண் ஆராய்ச்சிக்கான சர்வதேச மையம் 98 ஆயிரம் விதை மாதிரிகளையும், வெப்பமண்டல வேளாண்மைக்கான சர்வதேச மையம் 57 ஆயிரம் விதை மாதிரிகளையும், உலக காய்கறி மையம் 29 ஆயிரம் விதை மாதிரிகளையும், சர்வதேச வெப்பமண்டல விவசாய நிறுவனம் 23 ஆயிரம் விதை மாதிரிகளையும் பாதுகாத்து வைத்துள்ளன.

இதுதவிர அமெரிக்கா, ஜெர்மனி, கனடா, ஆஸ்திரேலியா, ஸ்வீடன், தென்கொரியா, நெதர்லாந்து உள்ளிட்ட நாடுகள் தங்கள் விதை மாதிரிகளை இங்கு பாதுகாத்து வருகின்றனர். இதனால்தான் ஸ்வல்பார்டு தீவு ஒரு பொக்கிஷமாகப் பார்க்கப்படுகிறது.