மலையாளத்தில் மார்க்கெட் இருந்தாலும் மல்லுவுட் இயக்குநர்கள் ஒரு கண்ணை கோலிவுட் பக்கம் வைக்கத் தவறுவதில்லை. அதற்கு உதாரணமாக ஃபாசில், பிரியதர்ஷன் போன்ற இயக்குநர்களைச் சொல்லலாம். அந்த வரிசையில், யோகிபாபு டைட்டில் ரோலில் நடிக்கும் ‘யானைமுகத்தான்’ படத்தின் மூலம் தமிழில் தடம் பதிக்க வந்துள்ளார் இயக்குநர் ரெஜிஷ் மிதிலா.

இவர் மலையாளத்தில் முன்னணி நடிகர்களை வைத்து சில படங்களை இயக்கி தயாரித்துள்ளார். சமீபத்தில் ‘யானைமுகத்தான்’ டீசர் வெளியாகி ரசிகர்களிடையே வரவேற்பைப் பெற்றது. ரிலீஸ் தேதி நெருங்குவதாலும், படத்தின் தயாரிப்பு பொறுப்பை ஏற்றுள்ளதாலும் கூடுதல் பரபரப்புடன் இருந்தார் ரெஜிஷா மிதிலா.