பரபரப்புக்கு பஞ்சமில்லாத கோடம்பாக்கத்தில் ‘‘என் மகன் விஜய்யை பள்ளியில் சேர்க்கும்போது விண்ணப்பத்தில் மதம், சாதி என்கிற இடத்தில் தமிழன் என்று குறிப்பிட்டேன். அப்போதிருந்து விஜய்யின் சான்றிதழில் சாதி என்கிற இடத்தில் தமிழன் என்றுதான் தொடர்ந்து வருகிறது...’’ என்ற உண்மையை ஒரு மேடையில் போட்டு உடைத்தார் இயக்குநரும் விஜய்யின் அப்பாவுமான எஸ்.ஏ.சந்திரசேகர்.

 அந்த மேடை ‘சாயம்’ படத்தின் இசை வெளியீட்டு விழா. படத்தின் இயக்குநர் அந்தோணிசாமியிடம் பேசினோம்.படத்தோட போஸ்டரில் அரசியல் நெடி தூக்கலா இருக்குதே?எல்லாருமே அப்படித்தான் நினைக்கிறாங்க. இது அரசியல் படம் இல்ல.

என்னுடைய முதல் படத்தை காதல் படமாகவோ, பேய்ப் படமாகவோ எடுத்து சேஃப் ஆகியிருக்க முடியும். இந்தக் கதை பண்ணுவதற்கு காரணம், தலைநகரத்திலும் சில முக்கிய கல்லூரிகளில் சாதி இருக்கிறது. இதை நான் நேரடியாகப் பார்த்தும் இருக்கிறேன். நண்பர்கள் அனுபவித்ததை சொல்லக் கேட்டும் இருக்கிறேன். இதே நிலை தமிழ்நாட்டில் உள்ள பல கல்லூரிகளிலும் இருக்கிறது. மாணவர்கள் படிப்பில் மட்டும் கவனம் செலுத்த வேண்டும், படிக்கும்போது சாதி அரசியல் பார்க்க வேண்டாம் என்பதை பக்கா கமர்ஷியல் ஃபார்மூலாவில் சொல்லும் படம் இது.

சார் , சின்ன திருத்தம். இப்ப என்னுடைய ஹீரோ விஜய் விஷ்வா என்று தனது பெயரை மாற்றிக்கொண்டுள்ளார். நாங்கள் நண்பர்கள் இல்லையென்றாலும் இருவருக்குமிடையே நீண்ட நாள் பழக்கம் உண்டு. அவர் நடித்த ‘கேரள நாட்டிளம் பெண்களுடனே’, ‘பட்டதாரி’, ‘மாயநதி’ படங்களைப் பார்த்திருக்கிறேன்.

என்னுடைய தொடர்பு எல்லைக்குள் விஜய் விஷ்வா இருந்தாலும் இந்தக் கதைக்கு அவர் அந்நியமாக இருந்ததால் அவருக்கு வாக்கு கொடுக்கவில்லை. விஜய் விஷ்வாவோ கேரக்டருக்காக தன்னை மாற்றிக் கொண்டு வந்தார். நடிப்புக்கு நேர்மையாக இருக்கிறார். இதுல ஃப்ரேம் லுக், ஆக்‌ஷன்னு நிறைய இடத்துல ஸ்கோர் பண்ணியிருக்கிறார்.

நாயகி சைனி. விஜய் ஆண்டனி நடித்த ‘இந்தியா பாகிஸ்தான் படம் பண்ணியவர். சொல்லப்போனால் இதுல அவங்களுக்கு ஸ்கோப் கம்மிதான். ஆனா, மனசுல இடம் பிடிக்குமளவுக்கு மேஜிக் பண்ணியிருப்பார்.

இவர்களுடன் பொன்வண்ணன், சீதா, இளவரசு, போஸ் வெங்கட், பெஞ்சமின், தென்னவன், எலிசபெத், செந்தி, ஆதேஷ் பாலா நடித்துள்ளனர். எல்லாரும் சீனியர் ஆக்டர்ஸ் என்பதால் என்னுடைய வேலை எளிதாகிவிட்டது. பாடல்கள் எப்படி வந்திருக்கு?நாகா உதயன் மியூசிக். ஆர்க்கெஸ்ட்ரா பேக்ர வுண்ட் உள்ளவர். எல்லா பாடல்களும் கதைக்குள் வரும் என்பதால் ரசிகர்களுக்கு பிடிக்கும்னு நினைக்கிறேன். பாடல்களை யுகபாரதி, விவேகா, அந்தோணிதாசன், பொன் சீமான் எழுதியுள்ளனர்.