ரஜினி கமல் விஜய் மகேஷ் பாபு படங்களின் விஷுவல் எஃபெக்ட்ஸ் இயக்குநர்... இன்று முழுப் படத்தை டைரக்ட் செய்திருக்கிறார்!

ஐம்பது படங்களுக்கு மேல் விஷுவல் எஃபெக்ட்ஸ் செய்த அனுபவத்துடன் ‘திருடன் போலீஸ்’, ‘உள்குத்து’, ‘கண்ணாடி’ ஆகிய படங்களை இயக்கி முடித்திருக்கும் கார்த்திக் ராஜு, அடுத்தபடியாக ‘சூர்ப்பனகை’ என்னும் ஃபேன்டஸி படத்துடன் ‘ஹாய்’ சொல்கிறார்.‘சூர்ப்பனகை’னு பெயர் வைக்க என்ன காரணம்..?  எந்த வரலாறையும் நான் கன்ஃபியூஸ் பண்ணிக்கவே இல்ல. அந்த கேரக்டருடைய குண நலன்களை மட்டும் எடுத்துக்கிட்டேன். சூர்ப்பனகைக்கு உள்ளேயும் ஒரு ஹீரோயினும் வில்லியும் இருக்காங்க. தனக்கு சரி என்று பட்டதை மட்டுமே அவங்க செய்திருக்காங்க. இந்த அடிப்படைல கதை இருந்ததால அந்தப் பெயரை சூட்டியிருக்கோம்.

அவங்களுக்குள்ள இருந்த அழகான காதல், அந்தக் காதலுக்காக அவங்க எந்த எல்லைக்கும் தைரியமா சென்றது... இந்த பேஸிக்கை மட்டும்தான் எடுத்திருக்கோம். படத்தின் நாயகி ரெஜினாவின் கேரக்டர் ஸ்கெட்ச் இதுதான். ரெஜினா பத்தி சொல்லுங்க? ‘கண்ணாடி’ படத்தோட தெலுங்கு வெர்ஷன்ல வேலை செய்துட்டு இருந்தப்ப ரெஜினா நடிச்ச ‘எவ்வரு’ படம் வெளியாச்சு. அந்த தெலுங்குப் படத்துல அவங்க ஏற்றிருந்த கேரக்டர் என்னை இம்ப்ரஸ் செய்தது.உண்மையை சொல்லணும்னா ‘சூர்ப்பனகை’ எழுதறப்பவே மனசுல ரெஜினாதான் வந்து நின்னாங்க.

திறமையான ஆர்ட்டிஸ்ட். முழுசா கதையைக் கேட்டாங்க. சீன் பை சீன் வாசிச்சுட்டுதான் ஸ்பாட்டுக்கு வருவாங்க. டேக்குக்கு போறதுக்கு முன்னாடி ‘இந்த டயலாக் எதுக்கு... இதை நான் ஏன் சொல்லணும்...’னு எல்லாம் நிறைய கேள்விகள் கேட்பாங்க. நாம சொல்ற பதில் கன்வின்சிங்கா இருந்தாதான் டேக்குக்கு ரெடியாவாங்க. படத்தின் கதை..?  படத்துல ரெஜினா ஆர்க்கிடெக்ட். அவங்களைச் சுற்றி நடக்கிற ஃபேன்டஸி விஷயங்கள்தான் படம். தமிழ், தெலுங்கு இரண்டிலும் ஒரே சமயத்தில் எடுத்திருக்கோம். ஒவ்வொரு காட்சியையும் தமிழ், தெலுங்குல மாறி மாறி ஆன் த ஸ்பாட் பேசி ரெஜினா அசத்தினாங்க.