சமூக ஊடகங்களில் தவறான தகவல்கள், வதந்திகளை வெளியிடும் நாடுகளின் பட்டியலில் இந்தியா முன்னிலையில் இருக்கிறது. ம்ஹும். நாம் சொல்லவில்லை. 138 நாடுகளில் இருந்து 9,657 தகவல்கள் பகுப்பாய்வு செய்யப்பட்டுள்ளன. இந்த தகவல்களின் உண்மைத் தன்மையை 94 நிறுவனங்கள் சரிபார்த்திருக்கின்றன. இதன் அடிப்படையில்தான் இந்தியாவுக்கு முதலிடம் கிடைத்துள்ளது.

அதாவது அனைத்து நாடுகளுடன் ஒப்பிடும்போது சமூக ஊடகங்களில் வெளியிடப்படும் பொய்யான செய்திகளில் இந்தியாவில்தான் 18.7% பதிவாகிறது.சமீபத்திய தேசிய குற்ற ஆவணக் காப்பகத்தின் தரவுப்படி, தெலுங்கானா மாநிலத்தில் தவறான தகவல்கள் பகிரப்பட்டதாக 273 வழக்குகள் பதிவாகி இருக்கின்றன. அதற்கு அடுத்தபடியாக தமிழ்நாட்டில் 118 வழக்குகளும், உத்தரப்பிரதேசத்தில் 166 வழக்குகளும் பதிவாகி உள்ளன.