சமீபத்தில் ஒரு கோயிலுக்குச் சென்றிருந்தேன். அக்கோயிலே சில வருடங்களுக்கு முன்புதான் கட்டப்பட்டது. அதைக் கட்டியவர், நிறுவனர், குரு மற்றும் அவரது சித்தாந்தங்கள் என்று ஆங்காங்கு தகவல் பலகைகள் தெரிவித்தன.

கோயில் முழுவதும் உயர்ரக கற்களைப் பதித்து முகம் பார்க்கும் கண்ணாடிபோல தரையை மாற்றியிருந்தார்கள். நேர்த்தியான வரிசைகளில் பக்தர்கள் சென்று கொண்டிருந்தனர். ஒவ்வொரு சந்நதியிலும் உள்ள தெய்வத்தை வணங்கியபடி நகர்ந்து கொண்டேயிருந்தார்கள். அப்போது அங்கு ஓரிரு சந்நதிகளை கடக்கும்போது எரிச்சல் ஏற்பட்டது. ஏன் இந்த மக்கள் இப்படிச் செய்கிறார்கள் என்று கோபம் வந்தது.