சித்தர்களை மையமாக வைத்து உருவாகும் சஸ்பென்ஸ் த்ரில்லர் படம் ‘பயங்கரமான ஆளு’.பரிஷ்த்தா பிக்சர்ஸ் தயாரிக்கும் இந்தப் படத்தை அறிமுக இயக்குநர் அரசர் ராஜா கதை, திரைக்கதை, வசனம் எழுதி இயக்கியிருப்பதோடு, இந்தப் படத்தின் மூலம் ஹீரோவாகவும் அறிமுகமாகிறார்.

இந்தப் படத்தில் எனக்கு இரட்டை வேடம். ஆரம்பத்தில் பிரபல ஹீரோவை வைத்து இந்தப் படத்தை இயக்க திட்டமிட்டேன். கால்ஷீட் போன்ற பிரச்சினைகளால்  ஹீரோ கிடைப்பதில் தாமதம் ஏற்பட்டது.

படக்குழு அளித்த உற்சாகத்தால் நானே ஹீரோவாகக் களமிறங்கினேன்.

கேரளா, வேலூர், ஆரணி, சென்னை ஆகிய பகுதிகளில் படப்பிடிப்பு நடைபெற்றது. வேலூரில் உள்ள பூச்சாண்டி குப்பம் என்ற காட்டுப் பகுதியில் உள்ள பழைய பிரெஞ்சுக் கோட்டை ஒன்றிலும் படமாக்கப்பட்டுள்ளது.

மிகப் பழமையான இந்தக் கோட்டையில் படப்பிடிப்பு நடத்தப்பட்ட முதல் படம் ‘பயங்கரமான ஆளு’ தான் என்பது ஹைலைட்டான விஷயம்.இது சஸ்பென்ஸ் த்ரில்லர் வகையிலான படமாக இருந்தாலும், காதல், காமெடி என்று பொழுதுபோக்குப் படமாக இருக்கும்’’ என்றார்.