சில நடிகர்கள் படத்தில்தான் விஞ்ஞானியாக நடிப்பார்கள். ஆனால் ‘விஞ்ஞானி’ படத்தின் மூலம் ஹீரோவாக அறிமுகமாகும் பார்த்தி ரொம்ப ரொம்ப ஸ்பெஷல். இருக்காதா பின்னே! இவர் நிஜ விஞ்ஞானி. அதுவும் அமெரிக்காவில் உள்ள நாசா விண்வெளி ஆராய்ச்சிக் கழகத்தில் வேலை செய்தவர்.

ஒரு விஞ்ஞானியின் வாழ்க்கையை மையமாகக் கொண்டு எழுதப்பட்டிருக்கும் கதையில் நாயகியாக மீரா ஜாஸ்மின் நடிக்கிறார். பிரபல நடிகர்களுடன் மட்டுமே நடித்து வந்த மீரா ஜாஸ்மீன் கதை மீதுள்ள நம்பிக்கையில் புதுமுகம் என்று கருதாமல் இதில் நடிக்க சம்மதித்தாராம். இவர்களோடு விவேக், தலைவாசல் விஜய், போஸ் வெங்கட், தேவதர்ஷினி, சஞ்சனா சிங் ஆகியோரும் இருக்கிறார்கள்.

“நாசாவில் வேலை பார்த்த எனக்கு கோலிவுட்டில் சாதிக்க வேண்டும் என்பது நீண்ட நாள் கனவு. இப்போது எனக்கு இருக்கும் ஒரே சேலஞ்ச் சினிமாதான். ஏன்னா, வாழ்க்கையிலும், விஞ்ஞானத்திலும் சாதித்த நான் சினிமாவிலும் சாதிக்க வேண்டும்” என்று சொல்லும் பார்த்தி, இந்தப் படத்தை எழுதி, தயாரித்து இருப்பதுடன் இயக்குனராகவும் களமிறங்கியிருக்கிறார்.