நமது உடலில் உள்ள முக்கியத்துவம் வாய்ந்த உறுப்புகளில் ஒன்று கல்லீரல்.  மனித உடலில் மிகப் பெரிய உறுப்பும் கல்லீரல்தான். கல்லீரலுக்கு வேறு எந்த உறுப்புக்கும் இல்லாத தனிச்சிறப்பு உண்டு. அது, நோய்த்தொற்றோ, பாதிப்போ ஏற்பட்டால், தன்னைத்தானே சரிசெய்துகொள்ளும் ஆற்றல் கொண்டது. 

மேலும், ஜீரணத்தில் உதவி, உடற்கழிவுகள் மற்றும் நச்சுக்களை நீக்குவது, ஹார்மோன்களை சீர் செய்வது போன்ற பணிகளையும் கல்லீரலே செய்கிறது.  அத்தகைய சிறப்பு வாய்ந்த கல்லீரலை பாதிக்கக்கூடிய நோய் என்றால் அது லிவர் சிரோசிஸ் எனும் கல்லீரல் வீக்கம். இதுகுறித்து மருத்துவர் தினேஷ் ஜோதிமணி நம்முடன் பகிர்ந்து கொண்டவை:

கல்லீரல் ரொம்ப அழகான உறுப்பு. அது தன்னைதானே புதுப்பித்து வளர்த்துக் கொள்ளும் தன்மை உடையது. அதனால்தான் கல்லீரல் தனக்கு ஏற்படும் பாதிப்புகளை தாங்கிக் கொண்டு தானே சரிசெய்து புதுப்பித்துக் கொள்ளும். அதேசமயம் அது தாங்கிக் கொள்ளும் அளவையும் தாண்டிப் போகும்போதுதான் கல்லீரல் வீக்கம் அடைந்து பெரிதளவு பாதிக்கப்படுகிறது.  

அடுத்த காரணம், வைரல் ஹெபடைடிஸ். ஹெபடைடிஸ் பி மற்றும் ஹெபடைடிஸ்  சி  பொதுவாக  கல்லீரலை பாதிக்கக்கூடியது.  ஹெபடைடிஸ் பி என்பது ரத்தத்தில் வரக்கூடிய வைரஸ் தொற்று.  இது சிறு வயது முதலே கூட இருந்து வரலாம்.  இது இருப்பதே தெரியாது.  வளர்ந்த பின்புதான் நமக்கு தெரியவரும்.

 அதற்குள் கல்லீரல்  வீங்க  தொடங்கிவிடும். ஹெபடைடிஸ் சி வைரஸ். இதுவும் ரத்தத்தில் வரக் கூடியதுதான். பிளட் டிரான்ஸ்யூஷன் செய்யும்போது சில நேரம் ஸ்கீரினிங் செய்யாமல் இருந்தால் அதனால் வரும்.   இதுவும் இருப்பதற்கான   அறிகுறிகள் எளிதில் தெரியாது.  அதாவது வேறு ஏதாவது நோய்க்காக ஸ்கேன் போன்ற டெஸ்ட் எடுக்கும்போதுதான்  இது இருப்பதே  தெரியவரும்.  

இதைத்தவிர, தொடர்ந்து அதிகளவில் மது அருந்துபவர்களுக்கு நிச்சயமாக லிவர் பாதிப்பு இருக்கும்.  இவர்களுக்கு ஒரு கட்டத்தில் மஞ்சள்காமாலை நோய் வரும். இதனை ஆல்கஹால் ஹெபடைடிஸ் என்று கூறுகிறோம்.  இந்த வகையான மஞ்சள்காமாலை ஏற்பட்டால் அவர்கள் உடனடியாக மது அருந்துவதை நிறுத்திவிட்டால். 

கல்லீரல் தன்னைத் தானே சரி செய்து கொண்டுவிடும்.  அப்படியில்லாமல், மஞ்சள்காமாலை சரியாகிவிட்டதே என்று மீண்டும் மது அருந்த தொடங்கினால், அது பெரிய பாதிப்புகளை உருவாக்கி, உயிருக்கே ஆபத்தாகிவிடக் கூடும்.நோய் முற்றிய நிலையில் கால் வீங்கும், வயிறு வீங்கும், பசியின்மை,  உடல் மெலிதல், ரத்த வாந்தி எடுப்பது, ஞாபகசக்தி  குறைவது போன்ற  பிரச்னைகள் தோன்றும்.