இந்நிலையில், இவர் மீண்டும் தமிழில், தமிழரசன் பச்சமுத்து இயக்கத்தில் உருவான லப்பர் பந்து படத்தில் நடித்தார். அந்த படத்தில், நடிகை சுவாசிகாவிற்கு கிடைத்த அழுத்தமான கதாபாத்திரம் மூலம் தனது இரண்டாவது இன்னிங்ஸை தொடங்கியுள்ளார். 

அதைத் தொடர்ந்து சூரியுடன் நடித்த மாமன், சமீபத்தில் வெளியான போகி என அடுத்தடுத்த படங்களும் அவருக்கு வெற்றியை அள்ளித்தந்திருக்கிறது. தற்போது சூர்யாவின் 45 ஆவது படமான கருப்பு படத்தில் நடித்து வருகிறார். தொடர் வெற்றிகளின் மகிழ்ச்சியில் திளைத்திருக்கும் சுவாசிகாவின் ஃபிட்னெஸ் ரகசியங்களை தெரிந்து கொள்வோம்.

ஒர்க்கவுட்ஸ் என்று எடுத்துக் கொண்டால், அடிப்படையில் நான் ஒரு நடன கலைஞர். முறைப்படி நடனம் பயின்றிருக்கிறேன். இப்போதும் நேரம் கிடைக்கும்போது நடன நிகழ்ச்சிகளும் நடத்தி வருகிறேன். 

எனவே சிறுவயது முதலே உடலை ஃபிட்டாக வைத்திருக்கிறேன். காலையில் சீக்கிரமாகவே எழுந்துவிடும் பழக்கம் உடையவள் நான். முதலில் யோகாவுடன் எனது ஒர்க்கவுட்ஸ் தொடங்கும். பின்னர், நடைப்பயிற்சி அரைமணி நேரம் செய்வேன். அதன்பின்னர், ஸ்ட்ரெச்சிங் பயிற்சிகள் அரை மணி நேரம். 

பின்னர், ஸ்டேமினாவை அதிகரிக்கும் வகையில் பைலேட்ஸ் பயிற்சிகள் செய்வேன். பின்னர், புஷ்- அப், புல் - அப், க்ரஞ்சஸ் மற்றும் ஸ்குவாட் பயிற்சிகளும் செய்வேன். இவையெல்லாம் எனது தினசரி உடற் பயிற்சிகளாகும். பின்னர், கால்களுக்கு வலு சேர்க்கும் வகையில் ஒரு மணி நேரம் டான்ஸ் பயிற்சிகள் செய்வேன். 

இவைதான் எனது ஒர்க்கவுட் ரகசியங்கள். அதுபோன்று என்னுடைய தினசரி உடற்பயிற்சிகளோடு யோகாவும் செய்வேன். யோகா மனதிற்கு அமைதி தருவதோடு, உடலை ஃபிட்டாக வைத்துக் கொள்ளவும் உதவுகிறது. எனவே, உடற் பயிற்சிக்கு எவ்வளவு முக்கியத்துவம் தருகிறேனோ அதே அளவு என்னுடைய யோகா பயிற்சிக்கும் இடம் உண்டு. இது தவிர ஜூம்பா நடன பயிற்சியும் மேற்கொள்கிறேன். இவைகள்தான் எனது தினசரி ஒர்க்கவுட்ஸ்.

டயட்: காலை எழுந்ததும் தினசரி 1 டம்ளர் வெதுவெதுப்பான தண்ணீர் அருந்திவிட்டு, பின்னர், இஞ்சி, மிளகு, மஞ்சள் தூள், சீரகம் சேர்த்து ஒரு மூலிகை தேநீர் அருந்துவேன். பின்னர், ஒன்பது மணிக்கு ஒரு நெல்லிக்காய் ஜூஸ் அருந்துவேன்.

காலை உணவு பெரும்பாலும் தவிர்த்துவிடுவேன். அதையடுத்து 11 மணி அளவில் ஒரு பீட்ரூட், கேரட், ஆப்பிள் சேர்த்து ஏபிசி ஜூஸ். அதன்பிறகு மதிய உணவில் ஒரு தோசை, கொஞ்சமாக அரிசி சாதம், வெள்ளரிக்காய் சாலட், கேரட் சாலட், கொஞ்சமாக இரண்டு விதமான காய்கறி பொரியல் எடுத்துக் கொள்வேன்.