வரகு அடை

செய்முறை: வரகு அரிசியை 2 மணி நேரம் ஊறவைக்கவும். கடலை பருப்பு, துவரம் பருப்பு, உளுந்து, பாசிப்பருப்பு ஆகியவற்றை ஒன்றாகச் சேர்த்து ஊற வைக்கவும். அவலை தனியே ஊற வைக்கவும். இரண்டு மணி நேரத்திற்கு பிறகு அரிசியையும் பருப்பையும் சேர்த்து அதனுடன் மிளகாய்வற்றல் மற்றும் உப்பு சேர்த்து கிரைண்டரில் அரைக்கவும். மாவு நன்கு மசிந்தவுடன் அவலை சேர்த்து அரைத்து எடுத்துக் கொள்ளவும். 

பின்னர், அரைத்த மாவில் பொடியாக நறுக்கிய வெங்காயம், துருவிய இஞ்சி, பொடியாக நறுக்கிய கொத்துமல்லி மற்றும் கறிவேப்பிலை சேர்த்து நன்றாக கலக்கவும். பின்னர், தோசைக்கல்லை சூடாக்கி மாவை கொஞ்சம் கொஞ்சமாக எடுத்து விட்டு அடைகளாக சுட்டு எடுக்கவும். சுவையான வரகு அடை ரெடி.

செய்முறை: சோளத்தை 6 மணி நேரம் ஊறவைக்கவும். துவரம் பருப்பு, கடலைப் பருப்பு, பாசிப்பருப்பு, உளுந்து என நான்கு பருப்புகளையும் 2 மணி நேரம் ஊற வைக்கவும். பிறகு ஊறவைத்த அரிசியையும், பருப்பையும் தனித்தனியாக அரைத்து தேவையான அளவு உப்பு சேர்த்து ஒன்றாகக் கலக்கவும். 

அதனுடன் வெங்காயத்தையும் பொடியாக நறுக்கிச் சேர்த்து கூடவே பெருங்காயம், கொத்துமல்லி, கறிவேப்பிலை சேர்த்து நன்றாகக் கலக்கவும். அடுத்ததாக தோசைக்கல்லை சூடாக்கி மாவை ஊற்றி எண்ணெய்விட்டு இரண்டு பக்கமும் சிவக்க வேகவிட்டு எடுக்கவும். சுவையான சோள அடை தயார். 

பலன்கள்: சோளத்தில் நார்ச்சத்து, வைட்டமின்கள் (பி, சி), தாதுக்கள் (இரும்பு, மெக்னீசியம், பொட்டாசியம்), மற்றும் ஆக்ஸிஜனேற்றிகள் உள்ளன. இவை செரிமானத்தை மேம்படுத்துகின்றன.

இதய ஆரோக்கியத்தை அதிகரிக்கின்றன மற்றும் சர்க்கரை நோயின் அபாயத்தைக் குறைக்கின்றன. மேலும், சோளம் பச்சையம் இல்லாதது, கண் பார்வைக்கு நல்லது, மேலும் இரத்த சோகையைத் தடுக்கவும் உதவுகிறது.