பெரும்பாலும் வயிறு என்ற உறுப்பை நாம் பொருட்படுத்துவதே இல்லை. பசித்து சாப்பிடுகிறோமோ இல்லையோ பார்க்க அழகாக இருப்பவற்றையும் நாக்குக்கு ருசியாக இருப்பவற்றையும் சாப்பிட்டு தீர்க்கிறோம். வயிற்றுக்குள் அடைக்கிறோம். ஆனால் நமது வயிறு இன்னொரு மூளையாக செயல்படுகிறது என்கிறது ஆய்வுகள். 

உதாரணமாக நம்முடைய மனநிலை மாறுவதற்கு ஏற்ப வயிற்றில் தாக்கம் நிகழ்கிறது. ஏமாற்றம், கோபம், மன அழுத்தம் இவை அனைத்துமே வயிற்றையும் பாதிக்கிறது. செரோடோனின் என்னும் ஹார்மோனுக்கு சந்தோஷ ஹார்மோன் என்ற பெயரும் உண்டு. இந்த ஹார்மோனின் 70 சதவீதம் அளவு வயிற்றில்தான் உருவாகிறது.