‘சகமனிதனின் மனதை அறிந்துகொள்ள வேண்டும், அவன் மனதில் இருக்கும் எண்ணங்களையும் ஆசைகளையும் தெரிந்துகொள்ள வேண்டும்’ என்று நினைத்ததுதான், பரிணாம வளர்ச்சியில் மனிதன் வளர்த்துக்கொண்ட ஆசைகளிலேயே மிகவும் சுவாரஸ்யமானது.

ரகசியங்கள் எப்போதும் ரம்யமானவை. சக மனிதர்கள் குறித்தான ரகசியங்களை அறிந்துகொள்ளத்தான் ஒவ்வொருவரும் ஆசைப்பட்டுக் கொண்டேயிருக்கிறார்கள். அடுத்த நபர் என்ன நினைக்கிறார்? அவர் மனதின் எண்ண ஓட்டங்கள் எப்படியிருக்கிறது? என்பதை அறிந்துகொள்வதில்தான் ஒவ்வொரு மனிதரும் ஆர்வமாக பிரயத்தனப்பட்டுக் கொண்டிருக்கிறார்கள்.