‘மணப்பாறை மாடுகட்டி மாயவரம் ஏரு பூட்டி...’ & எந்தத் தலைமுறைக்கும் ஏற்ற பாடல் என்பதை பழநிபாரதியின் ‘காற்றின் கையெழுத்து’ தெளிவாக்கியது. அந்நிய முதலீட்டால் விளையும் கெடுதல் பற்றி முழுமையாகச் சொல்லிவிட்டார்.

‘கோச்சடையான்’ தலைப்பை வைத்தே வரலாற்று ஆய்வாளர் மூலம் ஐஸ்வர்யா ராயைக் கொண்டு வந்து நிறுத்தியது ரியலி சூப்பர்!

கார்டியாலஜியில் முதல் மாணவனாகச் சேர்ந்து, ரேங்க்கிலும் முதல் மாணவனாகி, எட்டாவது மாடிக்கு லிஃப்டில் செல்லாமல் படியில் ஏறுகிறார் டாக்டர் சொக்கலிங்கம். இவர் இதய நோய் டாக்டர்களுக்கு மட்டுமல்ல... இதயம் உள்ள எல்லோருக்கும் ரோல் மாடல்தான்!

-எம்.சுரேந்தர், திண்டுக்கல்.

சாகறதுக்குப் பயிற்சியா? என்னிக்கோ வரக்கூடிய நிகழ்வை முன்னாடியே ஒத்திகை பார்த்துக் கொள்வதில் ஒரு திருப்தி!  

- எஸ்.மந்திரமூர்த்தி, புதுச்சத்திரம். 

ஊனமுற்றோருக்கு உதவும் டாக்டர் சந்திரசேகரின் முயற்சி பாராட்டத் தகுந்தது! 

‘பிரச்னை தீர்க்கும் திருத்தலங்கள்’ பகுதியில் கன்னி ராசிக்காரர்களின் இல்லக் கனவை நனவாக்கும் இறைவன் கட்டுரை எனக்குப் பயனுள்ளதாக இருந்தது. 
 

‘ஒஸ்தி’ படத்தில் பின்னணிப் பாடகியாக செகண்ட் இன்னிங்¬ஸ் ஆரம்பித்திருக்கிறார் காந்தக் குரலழகி எல்.ஆர்.ஈஸ்வரி. இனி தமிழகம் ஜர்தா பீடா போல அவங்க பெயரைத்தான் மெல்லும்!
 

‘கவிதைக்காரர்கள் வீதி’ கலகலப்பும் நெகிழ்ச்சியும் கலந்த கலவை!  

கல்வி சம்பந்தமான பொருட்களாக நாம் பார்க்கின்ற ஒயிட்னர் போன்றவை பிள்ளைகளை போதையின் பாதையில் தள்ளிச் சூறையாடும் மேட்டரைப் படித்து நெஞ்சம் படபடத்தது. 

- சி.டி.சிவகுரு, புதுச்சேரி.

‘மெட்டி ஒலி’ புகழ் திருமுருகனின் ‘விஜயா டீச்சர்’ தொடர்கதை எடுத்த எடுப்பிலேயே ஜெட் வேகத்தில் பறக்கிறது!  

சொல்ல நினைப்பதை விட்டுவிட்டு வேறு விஷயங்களை பேசக்கூடாது என்ற நல்ல சிந்தனையைத் தூண்டியது ‘சுட்ட கதை சுடாத நீதி’. 

- ஆர்.சரளா ரகுநாதன், கன்னியாகுமரி.

கமல், சூர்யா, விஜய், த்ரிஷா போன்ற முன்னணி ஸ்டார்களின் ஃபிட்னஸ் ரகசியங்களை அம்பலப்படுத்தி அசத்திட்டீங்க போங்க!   

-வி.கஜேந்திரன், தேனி.