ஆம். 2047ம் ஆண்டுக்குள் இந்தியாவில் பெண்களின் வேலை வாய்ப்பு 70 சதவிகிதமாக வளர்ச்சியடைந்திருக்கும் என்கிறது காலமுறை தொழிலாளர்கள் கணக்கெடுப்பு (PLFS) தரவுகளின் அடிப்படையில் மத்திய தொழிலாளர் மற்றும் வேலைவாய்ப்பு அமைச்சகம் வெளியிட்டுள்ள அறிக்கை. 

பாராம்பரிய சூழலுக்குள் அடைந்துவிடாமல் தடைகளை உடைத்து நாட்டின் எதிர்கால பொருளாதாரத்தை வடிவமைக்கும் பொறுப்பை பெண்கள் ஏற்றுள்ளதையே இது காட்டுகிறது. ஊரகத் தொழில்முனைவோர் முதல் பெருநிறுவனங்களின் தலைவர்கள் என்ற நிலை வரை இந்தியாவின் அணிவகுப்பில் பெண்கள் இன்று தலைமை வகிக்கின்றனர்.

மிகையில்லை. பெண்களின் வேலைவாய்ப்பு விகிதம் 2017-18ம் ஆண்டில் 22% ஆக இருந்த நிலையில் 2023-24ம் ஆண்டு 40.3% அதிகரித்துள்ளது. இந்நிலையில் வேலையில்லாதோர் விகிதம் இதே காலக்கட்டத்தில் 5.6%லிருந்து 3.2%- ஆக குறைந்துள்ளதாக புள்ளிவிபரம் சொல்கிறது.ஊரகப் பகுதிகளில் பெண் தொழிலாளர்களின் எண்ணிக்கை 96 சதவிகிதமாகவும், நகரப்புற பகுதிகளில் 43 சதவிகிதமாகவும் வேலைவாய்ப்பு அதிகரித்துள்ளது. 

பெண் பட்டதாரிகளின் வேலைவாய்ப்பு 2013ம் ஆண்டு 42% ஆக இருந்த நிலையில் 2024ம் ஆண்டு 47.53% ஆக அதிகரித்துள்ளது. முதுநிலை பெண் பட்டதாரிகளின் வேலை வாய்ப்பு விகிதம் 2017-18ம் ஆண்டில் 34.5% என்ற நிலையிலிருந்து 2023-24ம் ஆண்டில் 40% ஆக உயர்ந்துள்ளது.