மகா சிவராத்திரியுடன் மகா கும்பமேளா சிறப்பாக நடந்து முடிந்திருக்கிறது... என ஆன்மிக பக்தர்களும் ஒன்றிய அரசும் கம்பீரமாக அறிவித்திருக்கும் இந்த நேரத்தில்தான் இப்படியொரு இருண்ட பக்கத்தை வெளிச்சத்துக்கு கொண்டுவந்திருக்கிறது ‘இந்தியா டுடே’. 

புனிதமான கங்கை நதியில் குளிப்பதை மகா புண்ணியமாகக் கருதி ஆன்மிக பக்தர்கள் பல்லாயிரம் மைல் பயணம் செய்து, நாள் கணக்கில் காத்திருந்து, கூட்ட நெரிசலில் சிக்கி மிதிபட்டு தங்கள் உயிரையும் கொடுத்து நீராடினார்கள் அல்லவா..?

ஆபாச உள்ளடக்கத்தை ஊக்குவிக்கும் சில முகநூல் பக்கங்கள், ‘மகா கும்ப் கங்கா ஸ்நான் பிரயாக்ராஜ்’ போன்ற தலைப்புகளுடன் பெண்கள் குளிக்கும் காணொளிகளைத் தொடர்ந்து பகிர்ந்து வருகின்றன.

ஃபேஸ்புக், யூடியூப் மற்றும் இன்ஸ்டாகிராம் போன்ற சமூக ஊடகத் தளங்களில் பெண்கள் ஆற்றங்கரையில் குளித்து உடை மாற்றும் காணொளிகள் ஏராளமாக

பெண்கள் குளிப்பது மற்றும் உடை மாற்றுவது போன்ற ரகசியமாகப் பதிவு செய்யப்பட்ட காணொளிகளை வெளியிடும் குழுக்கள் இடம்பெறும் இரண்டு டெலிகிராம் சேனல்களையும் ‘இந்தியா டுடே’ கண்டறிந்துள்ளது. இந்தக் காணொளிகள் ‘கங்கை நதி திறந்தவெளி குளியல் குழு’, ‘மறைக்கப்பட்ட குளியல் வீடியோக்கள் குழு’, ‘திறந்தவெளி குளியல் வீடியோக்கள் குழு’ போன்ற பெயர்களைக் கொண்ட குழுக்களில் பகிரப்படுகின்றன.

டெலிகிராம் தேடுபொறி மற்றும் பகுப்பாய்வு தளமான டெலிமெட்ரியோவின் கூற்றுப்படி, பிப்ரவரி 12 முதல் பிப்ரவரி 18 வரை இந்தியாவில் ‘திறந்த குளியல்’ என்ற வார்த்தையை அதிகம் பேர் கூகுளில் தேடியுள்ளது தெரிய வந்துள்ளது. இந்த சேனல்களைப் பார்ப்பதற்கான கட்டணம் ரூ.1,999 முதல் ரூ.3,000 வரை இருக்கும் என்று தெரிகிறது.