சிம் கார்டு போல் ஸ்லிம் சிம்ரன் குப்தா!

‘சன் பிக்சர்ஸ்” தயாரிப்பில் விஜய் நடித்த ‘சர்க்கார்’ படத்தில் குத்துப் பாடலுக்கு தலைகாட்டியவர் சிம்ரன் குப்தா. இப்போது ‘வித்தைக்காரன்’ படத்தில் நாயகியாக அறிமுகமாகிறார். சிம் கார்டு மாதிரி சிலிம்மாக இருக்கும் சிம்ரன் குப்தாவின் பதில்களும் அவர் போல் சிம்பிள்!

யார் இந்த சிம்ரன் குப்தா?

என் அம்மாவின் வயிற்றில் கருவாக இருக்கும்போதே எதிர்காலத்தில் பிரபலமாகி சாதித்துக் காட்டுவேன்னு கனவு கண்டேனா என்று தெரியவில்லை. சின்ன வயசுலேர்ந்தே சினிமா மீது எனக்கு ஈர்ப்பு ஏற்பட்டுடுச்சு.படிப்பு முடிஞ்சதும் சினிமா வாய்ப்பு தேட ஆரம்பிச்சேன். சிம்ரன் குப்தாவுக்கு சினிமாவில் சாதித்துக் காட்டணும்னு பெரிய கனவுகள் இருக்கிறது. அந்த கனவுகளை எல்லாம் எட்டிப்பிடிக்கும் நாள் வெகு தூரமில்லை என்ற நம்பிக்கையும் இருக்கிறது.

கனிம பூமியான ஜார்கண்ட் மாநிலம், ராஞ்சி என்னுடைய சொந்த ஊர். எங்கள் ஊரிலிருந்து சென்னை சரியா 1679 கிலோ மீட்டர். நீண்ட தூரம் பயணித்து நம்பிக்கை
யுடன் தமிழ் சினிமாவின் கதவுகளைத் தட்டினேன்.அந்த இரும்புக் கதவுகள் சீக்கிரத்தில் திறக்க தொடர் முயற்சியும் நம்பிக்கையும்தான் காரணம்.

உங்கள் முதல் சினிமா?

இந்தி, தெலுங்கு மொழிகளில்தான் என்னுடைய சினிமா பயணம் ஆரம்பிச்சது. ‘சன் பிக்சர்ஸ்’ தயாரித்த ‘சர்க்கார்’ என்னுடைய முதல் தமிழ் சினிமா. அந்தப் படத்தில் ஒரு குத்துப்பாடலுக்கு டான்ஸ் ஆடினேன்.‘கனவு மெய்ப்படும்’ என்ற பொன் மொழி என் வாழ்க்கையில் நிறைவேறிய அந்தத் தருணத்தை வாழ்நாளில் மறக்க முடியாது. விஜய் சார் படத்தில் நானும் ஓர் அங்கமா இருந்ததில் மிக்க மகிழ்ச்சி.

விஜய் சார், ரொம்ப அடக்கமானவர். எல்லோருக்கும் மனிதநேயத்துடன் உதவிக் கரம் நீட்டக்கூடியவர். அந்தப் படத்தைத் தொடர்ந்து மேலும் சில பெரிய பட வாய்ப்புகள் வந்துச்சு. சில காரணங்களால் என்னுடைய கனவிலும் ஆசையிலும் காலதாமதம் ஏற்பட்டுச்சு. ஆனாலும் என்னுடைய தேடலை நிறுத்தாமல் ஓடிக்கொண்டிருக்கிறேன்.

‘வித்தைக்காரன்’ படத்தில் என்ன மாதிரி சவால்கள் இருந்தன?

நம்முடைய வேலையில் சவால்கள் இருந்தால்தான் சிறப்பான ரிசல்ட் தர முடியும். அப்படி படத்தில் எனக்கான சவால்கள் நிறையவே இருந்துச்சு. ஆனா, அதையெல்லாம் நான் விருப்பத்தோடு பண்ணியதால் எதுவுமே கஷ்டமா தெரியல. டயலாக் பேப்பரை பலமுறை மனப்பாடம் பண்ணிய பிறகே கேமரா முன்னாடி போய் நின்றேன். பெரும்பாலான காட்சிகளை சிங்கிள் டேக்கில் ஓகே பண்ணினேன். ‘முடியாது’ என்ற வார்த்தை என்னுடைய அகராதியில் இல்லைனு சொல்லலாம். சாத்தியமில்லாதவைகளை சாத்தியப்படுத்துவது எனக்கு பிடிக்கும்.  

தமிழ் மொழியைக் குறித்து சுத்தமாக எதுவும் தெரியவில்லை என்றால் புரிந்துகொண்டு பேசுவது மிகவும் கடினம். அந்த வகையில் தமிழ் மொழியைப் புரிந்து நடிப்பதிலும் சவால் இருந்துச்சு. அந்த மாதிரி சவால்கள்தான் எனக்கு பிடிக்கும். தடைகளும், சவால்களும் இல்லாத வாழ்க்கை இல்லையே!

சதீஷ் என்ன சொன்னார்?