‘எனை நோக்கி பாயும் தோட்டா’ படத்துக்குப் பிறகு கெளதம் மேனன் இயக்கத்தில் உருவான படம் ‘ஜோஷ்வா: இமை போல் காக்க’.

அவருடைய அத்தனை படங்களும் பார்க்கும்போது, ப்ச்... இந்த ஹீரோவாக நான் இருந்திருக்கக் கூடாதா, ‘வாரணம் ஆயிரம்’ நாயகனா நான் நடிக்கற மாதிரி ஒரு மேஜிக் நடக்கக் கூடாதா, ‘விண்ணைத் தாண்டி வருவாயா’ ஜெஸ்ஸிய நான் காதலிக்கக் கூடாதா... இப்படி எல்லாம் பல நேரங்களில் ஆசைப்பட்டிருக்கேன். 

இப்ப அக்கனவு நினைவாகி, அதுவும் கௌதம் சார் எனக்காக ஒரு கதை உருவாக்கி, நான் அதில் ஹீரோ என நினைக்கும்போது ரொம்ப சந்தோஷமா இருக்கு. ஆனா, சாரைப் பொருத்தவரை எல்லாருமே நடிகர்தான். சூர்யா சாரா இருந்தாலும், சிம்பு சாரா இருந்தாலும் எல்லோரையும் ஒரே மாதிரிதான் நடத்துவார். யாரும் கீழே மேலே கிடையாது. ஜென்டில்மேன்.

ரொம்ப நாள் காத்திருப்பில் இருந்த படம். என்னுடைய கேரக்டர் பெயர்தான் ‘ஜோஷ்வா’. நான் கூலிக்காகக் கொலை செய்கிற நபர். பாடிகார்டாகவும் இருப்பேன். கௌதம் சார் படம்னாலே லவ் தூக்கலா இருக்கும். 

ஆனால் இந்தப் படத்தில் ஆக்‌ஷன், அதிரடி மாஸ் காட்சிகள் அதிகமா இருக்கும். ஒரு பணக்கார, அரசியல் பிரமுகருடைய மகள்... அவங்களுக்கு கொலை மிரட்டல் அச்சுறுத்தல் இருக்கு. அவங்க எங்க போனாலும் உயிரைக் கொடுத்தாவது காப்பாற்றுகிற பாடிகார்ட் ஒருவர் வேணும். அதற்காக வருகிறவன்தான் நான். எங்களுக்கு இடையிலே காதல்... அடுத்து என்ன என்பது மீதிக் கதை.

எஸ்.ஆர்.கதிர் சினிமாட்டோகிராபி, ஆண்டனி சார் எடிட்டிங், மியூசிக் கார்த்திக். ‘டப்பாசு...’ பாடல் கடந்த ரெண்டு வருடங்களாக டிரெண்டிங்கில் இருக்கு.