இத்தாலியின் நம்பர் ஒன் ஆடம்பர ஃபேஷன் பிராண்ட் இது. 

ரெடிமேட் ஆடைகள், தோல் பொருட்கள், காலணிகள், வாசனைத் திரவியங்கள் என இதன் தயாரிப்புப் பட்டியல் நீள்கிறது.மட்டுமல்ல; ஆரம்பித்த ஐம்பது வருடங்களுக்குள் உலகின் முன்னணி ஆடம்பர ஃபேஷன் பிராண்டுகளில் ஒன்றாக இடம்பிடித்தது இதன் தனிச்சிறப்பு. இதனை உருவாக்கியவர், ஜியான்னி வெர்சாச்சே.  

அம்மா தையல் கடையை நடத்தி வந்தார். பத்துக்கும் அதிகமான பெண்கள் அந்தக் கடையில் வேலை செய்துவந்தனர். பத்து வயதிலேயே அம்மாவின் கடையில் தையல் பயிற்சி பெற ஆரம்பித்துவிட்டார் ஜியான்னி. 11 வயதிலிருந்தே தனியாக துணிகளைத் தைக்கத் தொடங்கிவிட்டார். 

பெண் தையல் கலைஞர்களுக்கு மத்தியில் தையல் பயின்றதால், ஜியான்னியின் டிசைன்கள் பெரும்பாலும் ஒரு பெண் டிசைனர் வடிவமைத்ததைப் போலவே இருக்கும். அத்துடன் பெண்களின் மனதைக் கவரும் ஆடைகளை பெண்களைவிட, ஜியான்னியால் துல்லியமாக வடிவமைக்க முடியும்.

வசம் ஈர்த்துவிட்டது. இருபது வயதில் ரெக்கியோவிலேயே முக்கியமான ஒரு தையல் கலைஞனாகப் பரிணமித்தார் ஜியான்னி. ஃபேஷன் துறையில் பெரிய ஆளாக வரவேண்டும் என்ற லட்சியத்துடன் மிலன் நகருக்கு இடம் பெயர்ந்தார். 

அப்போது ஜியான்னியின் வயது 26. 1973ல் ‘ஜென்னி’ எனும் ஃபேஷன் நிறுவனத்தில் டிசைனராக வேலை செய்ய ஆரம்பித்தார்.ரோம், கிரேக்க தொன்மங்கள் மற்றும் கலைகளின் மீது பேரார்வம் கொண்டவர் ஜியான்னி. அவற்றை தனது டிசைனில் வெளிப்படுத்தினார்.

ஜியான்னியின் டிசைனுக்கு என்று வாடிக்கையாளர்கள் வட்டம் உருவானது. 1977ல் பெண்களுக்கான பிரத்யேகமான ஆடைகளை டிசைன் செய்து, மிலன் நகரில் உள்ள ஒரு மியூசியத்தில் காட்சிப்படுத்தினார். இதே வருடத்தில் தனது முதல் ஃபேஷன் ஷோவை நடத்தினார். 

இதில் கிடைத்த வரவேற்பு, தனியாக தொழில் தொடங்குவதற்கான உற்சாகத்தை ஜியான்னிக்குக் கொடுத்தது. 1978ல் சாண்டோ மற்றும் டோனாடெல்லாவின்  உதவியுடன் மிலனில் ‘வெர்சாச்சே’வை ஆரம்பித்தார் ஜியான்னி.

ஆடைகளுடன், வாசனைத் திரவியங்கள், தோல் பொருட்கள் உட்பட பலவிதமான ஃபேஷன் பொருட்களையும் தயாரிக்க ஆரம்பித்தது ‘வெர்சாச்சே’. பொதுவாக ஃபேஷன் ஷோக்களை நடத்தும் டிசைனர்கள் பெரும் செல்வந்தர்களைத்தான் அழைப்பார்கள்; அவர்களைத்தான் முன்னிருக்கையில் அமர வைப்பார்கள். 

ஆனால், ஜியான்னியோ மைக்கேல் ஜாக்சன், மடோன்னா, டயானா உட்பட உலகப் பிரபலங்களையும், நடிகர், நடிகைகளையும் அழைத்து முன்னிருக்கையில் அமர வைத்தார். இப்படி பிரபலங்களை ஃபேஷன் ஷோவுக்கு அழைத்த முதல் டிசைனர் ஜியான்னியாகத்தான் இருக்கக்கூடும்.

இதற்கிடையில் ஜியான்னியை காது புற்றுநோய் தாக்கியது.  புற்றுநோய் காரணமாக ரொம்ப நாட்கள் உயிரோடு இருக்க மாட்டேன் என்று ஜியான்னி நினைத்துக்கொண்டார். அதனால் நிறுவனத்தின் 50 சதவீத பங்கை தனது தங்கையின் மகளான அல்லீக்ராவுக்கு உயில் எழுதி வைத்துவிட்டார். 

அப்போது அல்லீக்ராவுக்கு வயது 11தான். இன்று ‘வெர்சாச்சே’வின் முக்கியப் பொறுப்பில் இருக்கிறார் அல்லீக்ரா. மீதி 50 சதவீத பங்கை டோனாவுக்கும், சாண்டோவுக்கும் பிரித்துக்

புற்றுநோய்க்கு நடுவிலும் அயராது உழைத்தார் ஜியான்னி. ஓரினச்சேர்க்கையாளரான ஜியான்னி, திருமணம் செய்துகொள்ளவில்லை. 1997ல் துப்பாக்கியால் சுடப்பட்டு மரணமடைந்தார்.

இன்று ஜெர்மனி, ஜப்பான், சிகாகோ, லண்டன் உட்பட உலகின் முக்கிய மியூசியங்களில் எல்லாம் ‘வெர்சாச்சே’வின் தயாரிப்புகள் காட்சிக்கு வைக்கப்பட்டுள்ளன.

இருநூறுக்கு மேற்பட்ட இடங்களில் ஷோரூம்கள் இருக்கின்றன. ஆயிரத்துக்கும் மேற்பட்ட மொத்த விற்பனையாளர்கள் ‘வெர்சாச்சே’வின் தயாரிப்புகளை விற்பனை செய்கின்றனர்.