ஜிந்தகி தமாஷா’ (Circus of life)

திரையிடப்பட்டது. 

அப்போது சிறந்த படத்திற்கான கிம் ஜி-சியோக் விருதினை வென்றது. தொடர்ந்து, 93வது ஆஸ்கார் விருதுகளில் சிறந்த சர்வதேச திரைப்படத்திற்கான பாகிஸ்தானின் அதிகாரபூர்வ நுழைவாகவும் இத்திரைப்படம் சென்றது. ஆனால், ஆஸ்கார் விருதுக்கான பரிந்துரைக்குள் நாமினேட் ஆகவில்லை.

பின்னர் இஸ்லாமிய எதிர்ப்பு உள்ளடக்கம் இருப்பதாகக் கூறி, பாகிஸ்தான் அரசாங்கம் திரையிடலை ஒத்திவைத்தது. தொடர்ந்து படத்திற்கு எதிர்ப்புகளும், இயக்குநர் சர்மத் கூசாத்திற்குக் கொலை மிரட்டல்களும் வந்தன. படமும் சில இணையதளங்களில் சட்டவிரோதமாக வெளியானது. 

இந்நிலையில்தான் கடந்த ஆகஸ்ட் 4ம் தேதி இயக்குநர் சர்மத் கூசாத் யூடியூப்பிலேயே, ‘ஜிந்தகி தமாஷா’வை வெளியிட்டார். அதுவும் தரமான ஹெச்.டி குவாலிட்டியில். வெளியான கடந்த மூன்று மாதத்தில் சுமார் 10 லட்சம் பேர் இந்தப் படத்தை உலகம் முழுவதும் பார்வையிட்டுள்ளனர். இது சர்மத்துக்கு கிடைத்த வெற்றியாகப் பார்க்கப்படுகிறது.  

படம் ரஹத் கவாஜா, முகமது நபியைப் புகழ்ந்துபாடும் கவிதையில் இருந்து துவங்குகிறது. பிறகு, பாகிஸ்தானின் பழைய லாகூர் நகரின் மங்கலான இருண்ட பகுதிகள் சிலவற்றைக் காட்டுகிறது. இந்நிலையில், ரஹத் கவாஜாவின் நண்பரின் மகன் திருமணம் வருகிறது. அங்கு கவிதைகள் வாசிக்கிறார். 

பிறகு, இரவு நான்கு நண்பர்களுடன் அரட்டை அரங்கேறுகிறது. அப்போது ரஹத் கவாஜா ஒரு பழைய படத்திலுள்ள, ‘ஜிந்தகி தமாஷா’ என்கிற பாடலுக்கு நடனம் ஆடுகிறார். அதையே இந்தப் படத்தின் தலைப்பாக வைத்துள்ளார் இயக்குநர்சர்மத்.

அப்பாவைப் பற்றி வரும் மீம்ஸ்கள், கமெண்ட்ஸ்கள் கண்டு அவருடன் பேசாமல் இருக்கிறார். பக்கத்து வீட்டில் உள்ளவர்கள் பேசமறுக்கிறார்கள். விழாக்களில் அவருக்குக் கவிதைகள் பாட அனுமதி மறுக்கப்படுகிறது. இதனுடன் அவரைக் கண்டித்து, அவர் வசிக்கும் தெரு முழுவதும் போஸ்டர்கள் ஓட்டப்படுகின்றன. 

இதையெல்லாம்விட அவர் அதிகம் நேசிக்கும் மகளே தன்னை வெறுப்பதை நினைத்து வேதனையடைகிறார். மகள், அப்பாவின் வீடியோ பற்றி கணவரிடம் சொல்கிறார். கணவர், அவர் அப்பாவிடம் பேசி உடனடியாக ஒரு மதகுரு மூலம் விஷயத்தை முடிக்க நினைக்கிறார். ஆனால், மதகுரு சில விஷயங்களை அந்த மன்னிப்பு வீடியோவில் சொல்லச் சொல்கிறார்.

இந்நிலையில்தான் பாகிஸ்தான் அரசு திரையரங்குகளில் படம் வெளியாவதை ஒத்திவைத்தது. அத்துடன் நாட்டின் இஸ்லாமிய ஆலோசனைக் குழுவினை, ‘விமர்சன மதிப்பாய்வு’ நடத்துமாறு கேட்டுக் கொண்டது. இதுகுறித்து பாகிஸ்தான் பத்திரிகையாளரான ராசா ரூமி, ‘‘பல ஆண்டுகளாக பாகிஸ்தான் அதிகாரிகள் திரைப்படங்களில் மதஉரிமைகளை நிலைநாட்டும் பணிகளைச் செய்துவருகின்றனர். 

மத ஆதரவாளர்களிடம் இருந்து வரும் அதிக அழுத்தத்தால் இதைச் செய்கின்றனர். பாகிஸ்தானில் முல்லாக்களுக்கு தெரு அதிகாரம் உள்ளதால் ஒவ்வொரு அரசாங்கமும் அவர்களை சமாதானப்படுத்தவே நினைக்கிறது...’’ என வேதனையுடன் சொல்கிறார்.