மலையாள சினிமாவுக்குரிய அத்தனை சிறப்புகளுடனும் மிளிர்கிற ஒரு படம் , ‘ஷபீக்கிண்டெ சந்தோஷம்’. ‘அமேசான் ப்ரைமி’ல் காணக்கிடைக்கிறது. கேரளாவில் உள்ள அழகிய ஒரு கிராமம். அந்தக் கிராமத்தில் வாழும் அனைவராலும் நேசிக்கப்படும் ஒருவன் ஷபீக்.

மற்றவர்களை மகிழ்ச்சிப்படுத்துவதுதான் ஷபீக்கின் மகிழ்ச்சி. அவனுக்கு வளைகுடா நாட்டில் வேலை கிடைக்கிறது. வேலைக்குச் செல்வதற்கு முன்பு மூலநோயால் பாதிக்கப்படுகிறான். பணம் வாங்காமலேயே ஷபீக்குக்கு சிகிச்சையளித்து குணப்படுத்துகிறார் ஒரு மருத்துவர்.