கதம்

எந்தவித ஆரவாரமுமில்லாமல் அமைதியாக வெளியாகி பட்டையைக் கிளப்பிக் கொண்டிருக்கிறது, ‘கதம்’. அமேசான் ப்ரைமில் காணக்கிடைக்கிறது இந்த தெலுங்குப்படம். ஒரு சைக்கோவின் காதல் வலையில் சிக்கி, ஆபத்துக்குள்ளான மகளை மீட்கப் போராடும் தந்தையின் கதைதான் இந்தப் படம்.
தலையில் அடிபட்டு நினைவிழந்து கிடக்கிறான் ரிசி.

சிகிச்சைக்குப் பிறகு கண் விழித்த அவனுக்குக் கடந்த காலம் முழுவதும் மறந்துவிட்டது. ரிசிக்கு உறுதுணையாக அவனின் காதலி அதிதி மட்டுமே இருக்கிறாள். ஆனால், அதிதியைக் கூட அவனுக்கு சுத்தமாக நினைவில் இல்லை.
இருவரும் காரில் ரிசியின் தந்தையைப் பார்க்கச் செல்கின்றனர். வழியில் கார் ப்ரேக்டவுன் ஆக, கண்ணுக்கு எட்டிய தூரம் வரை எந்த மெக்கானிக் கடையும் இல்லை.