ராஷி 11

மினுமினு ஸ்கின் கேர்ள் ராஷிகண்ணா, தமிழில் நடித்த படங்களை விரல் விட்டு எண்ணிவிடலாம். ஆனால், ‘இமைக்கா நொடிகளி’ல் ஆரம்பித்து ‘சங்கத்தமிழன்’ வரை லிமிட்டெட் க்ளாமரில் ஸ்கோர் அள்ளியவர். மும்பையில் வசித்து வரும் அவரிடம் ‘நாலு வார்த்தையில உங்களப் பத்தி சொல்லுங்க’ என சிம்பிளாக கேட்டால்,  ஹம்பிளாக வந்து விழுகிறது பதில். ‘Seeker... Traveller... Star gazer... Sunset lover... Singer... Actor...’ இப்போது சுந்தர்.சி.யின் ‘அரண்மனை 3’யில் பரபரக்கிறார் ராஷி.

லாக்டவுன்ல என்ன படங்கள் பார்த்தீங்க?
எல்லா நாளும் டிவி முன்னாடிதான் இருந்தேன். வேர்ல்டு மூவீஸ், நம்மூர் மூவீஸ், வெப்சீரீஸ், ரியாலிட்டி ஷோஸ்னு எதையும் விடல. அத்தனையும் ஒரு க்ளான்ஸ் கவனிக்க ஆரம்பிச்சேன். ஓடிடியில கொஞ்ச நேரம் டைம் பாஸ் பண்ணினா, பார்க்கவேண்டிய விஷயங்கள் அவ்ளோ கொட்டிக்கிடக்குது. நமக்குதான் டைம் இல்லைனு மலைப்பா இருக்கு.

படங்கள் பார்க்கறது ரொம்ப பிடிக்கும். ஐ லவ் த்ரில்லர். அதுவும் க்ரைம் த்ரில்லர்னா கண்கொட்டாம பார்க்கப் பிடிக்கும். நிறைய திகில் படங்கள் பார்த்தேன். அதைப்போல டைம் ட்ராவல் பத்தின சீரீஸ், மூவீஸும் பிடிக்கும். படங்கள் எப்ப வேணா பார்க்கலாம் என்பதால சீரீஸ் நிறைய பார்த்தேன். ‘Dogs of Berlin’னு ஒரு ஜெர்மன் சீரீஸ் பார்த்தேன். பிரமாதமா இருந்துச்சு. ஜெர்மன்ல ரியாலிட்டி ஷோஸ் கொஞ்சம் பார்த்தேன்.

அப்புறம் உலகப் படங்கள்ல ‘Mirage’னு ஒரு ஸ்பானிஷ் படம் பார்த்தேன். அருமையான படம். எல்லாரும் ரெஃபர் பண்ணினதால ‘மணி ஹீஸ்ட்’ தொடரும் பார்த்தேன். அமெரிக்கன் த்ரில்லர் சீரீஸான ‘How to get away with murder’ சீரீஸும் பிடிச்சிருந்தது. அதுல அத்தனை பேரின் பர்ஃபாமென்ஸும் அவ்ளோ அசத்தல். அதோட ஒவ்வொரு சீஸன் முடிவிலும் ஒரு சஸ்பென்ஸ் வச்சு முடிப்பாங்க. ‘அடுத்து என்னா’னு நமக்குள்ள ஒரு ஆர்வத்தை ஏற்படுத்தும் தொடர் அது.

அமெரிக்கன் க்ரைம் ஸ்டோரீஸ்ல ‘Dexter’ சீரீஸும் பிடிச்சிருந்தது. லவ் ஸ்டோரீஸ்ல ‘Proposal’ சீரீஸ் பார்த்தேன். இன்ட்ரஸ்ட்டிங்.