தமிழ் சமூகத்தில் பெண்களுக்கான இடம் பெரும்பாலும் குடும்பத்தில்தான். அதைத் தாண்டி இலக்கியங்கள் பெண் பெருமை பேசுவதுண்டு. ‘மங்கையராய்ப் பிறப்பதற்கு மாதவம் செய்திட வேண்டும்’ என்றெல்லாம் பாடினார்கள்.

அதெல்லாம் ஏட்டில் மட்டும்தான்.தந்தை பெரியார் சுயமரியாதை இயக்கம் கண்டு, ‘ஆண் - பெண் சமத்துவம்’ என்கிற கருத்தாக்கத்தை தன் கொள்கையாகவே முன்வைத்தார். தமிழ்ச் சமூகத்தில் நிலவி வந்த பெண்ணடிமைத்தனத்தை மிகவும் கடுமையான வார்த்தைகளில் விமர்சித்தார். பெண்களுக்கு நாம் என்னென்ன செய்ய வேண்டும் என்று பட்டியல் இட்டார்.

வறியவர்களுக்கு ஏது சொத்து? அப்படியிருக்க அதில் ஏது பங்கு? அத்தகைய எளிய குடும்பங்களில் பிறந்தவர்களின் முன்னேற்றத்துக்காக கல்வி, வேலைவாய்ப்பு, அரசியல் ஆகிய துறைகளில், பெண்களின் இருப்பைத் தக்கவைக்கும் திட்டங்களையும், சட்டங்களையும் உருவாக்கினார்.

இன்று சமூகவலைத்தளங்களில் பெண்களின் கண்ணியத்தை கேவலப்படுத்தும் போக்கு அதிகரித்து வருகிறது.

இதைத் தடுக்க பத்தொன்பது ஆண்டுகளுக்கு முன்பே ‘பெண்களை கண்ணியக் குறைவாக சித்தரிப்பதை தடுக்கும் சட்டம்’ ஒன்றை கலைஞர் கொண்டு வந்திருக்கிறார் என்றால், எதிர்காலத்தை மனதில் வைத்துக் கொண்டு ஆண்ட அவரது அபார ஆளுமைத் திறன் வியப்பூட்டுகிறது. எந்தவிதமான ஊடகங்களிலும் பெண்கள் கண்ணியக்குறைவாக சித்தரிக்கப்பட்டால், இந்த சட்டம் மூலமாக தங்களைப் பாதுகாத்துக் கொள்ளக்கூடிய வாய்ப்பை அவர் ஏற்படுத்தி