“வெண்டைக்காய் சாப்பிட்டால் மூளை வளரும்! ரஷ்ய விஞ்ஞானிகள் கண்டுபிடிப்பு!” ஒரு நாளிதழின் தலைப்புச் செய்தியாக இது வந்தது என்றால் நம்ப முடிகிறதா?எமர்ஜென்ஸி காலத்தில் பத்திரிகைகளில் எந்தெந்த செய்திகள் இடம்பெற வேண்டும் என்பதை மத்திய அரசாங்கமே தீர்மானித்தது.

பத்திரிகைகள் தாங்கள் வெளியிட இருக்கும் செய்திகளை லே-அவுட் செய்து, மத்திய அரசின் தகவல் மற்றும் ஒலிபரப்புத்துறையின் அனுமதி பெற்றபின்னரே அச்சிட வேண்டும் என்கிற நிலை அப்போது இருந்தது.

எனவேதான், வெண்டைக்காய் சாப்பிட்டு மூளையை வளர்த்துக்கொள்ளும் செய்தியை கிண்டலாக கலைஞர், ‘முரசொலி’யின் தலைப்புச் செய்தியாகப் பிரசுரித்தார்!அந்தச் செய்தியிலிருக்கும் ‘உள்குத்து’ அறியாத அதிகாரிகள், அதற்கு அனுமதி கொடுத்து கலைஞரின் நகைச்சுவைக்கு சுவை சேர்த்தார்கள்.

ஒரு சந்தர்ப்பத்தில் கலைஞரின் தலைக்கு விலை வைத்தார் வட இந்திய சாமியார் ஒருவர். ஒட்டுமொத்த தமிழகமும் கொந்தளித்த நிலையில் தன் வழக்கமான நகைச்சுவையால் அமைதியை ஏற்படுத்தினார் கலைஞர். “என் தலையை நானே சீவி நாளாச்சி, அவங்க சீவிவிட்டாங்கன்னா நல்லதுதான்!”

திடீரென துரைமுருகன் அவருக்கு அருகில் வந்து ஒற்றைவிரலைக் காட்டிவிட்டுச் சென்றார். உடனே, “தம்பி துரைமுருகன், ‘தொலைத்துவிடுவேன்’ என்று விரல் காட்டி என்னை அச்சுறுத்துவதாக யாரும் நினைத்து அவர் மீது பாய்ந்துவிட வேண்டாம்.

பத்து மணி ஆக இன்னும் ஒரு நிமிடம்தான் இருக்கிறது என்று தம்பி நினைவுறுத்துவதால் என் பேச்சை முடித்துக்கொள்கிறேன்!” என்று கலைஞர் சொன்னதும் மொத்தக் கூட்டமும்

“எதுக்குய்யா, மூஞ்சை தூக்கி வெச்சிட்டிருக்கீங்க.

காஃபி சாப்பிடறீங்களா?” என்று கேட்டுவிட்டு, தன் உதவியாளரை அழைத்தார். வந்திருந்த தலைகளை எண்ணி, “ஆறு காஃபி கொண்டு வாங்க...” என்று சொல்லிவிட்டு, சின்ன இடைவெளிக்குப் பிறகு “ஆனா, ஆறாத காஃபியா இருக்கணும்!” என்று சொல்ல, தோல்வி முடிவுகளில் சுணங்கிப் போயிருந்தவர்கள் கவலையை மறந்து புன்னகைத்தார்கள்.