குடும்பம்:   லாப ஸ்தானத்தில் சனி, செவ்வாய் கூட்டு சேர்க்கை ஏற்பட்டுள்ளது. மேலும், சித்திரை 18-ம் தேதி குரு பகவான் தன ஸ்தானத்திற்கு மாறுவதும், மிகச் சிறந்த கிரக மாறுதலாகும். சுக்கிரனாலும் நன்மையே! இம்மாதம் முழுவதும் பணப் பிரச்னை இல்லாமல் இவர்கள் பார்த்துக் கொள்வார்கள்!! சற்று தாராளமாகவே செலவு செய்யலாம். 

இருப்பினும், கிரகங்கள் கொடுக்கும்போது, செலவு செய்வதை விடச் சேமித்து வைத்துக் கொள்வதே விவேகமாகும். ஜென்ம ராசியில், சூரியனும், விரயத்தில் ராகுவும் நிலை கொண்டுள்ளதால், உஷ்ண சம்பந்தமான உடல் உபாதைகள் ஏற்பட்டு, மருத்துவ சிகிச்சையினால் குணமாகும். ஆதலால், மருத்துவச் செலவுகளும் உண்டு. ருண ஸ்தானத்தில் கேது நிலைகொண்டிருப்பதால், பழைய கடன்களை அடைத்து, நிம்மதி பெறலாம்.  திருமண முயற்சிகளுக்கு மிகவும் ஏற்ற மாதமாகும் இந்தச் சித்திரை.

உத்தியோகம்: உத்தியோகத் துறைக்கு அதிபதியான சனி பகவான், லாப ஸ்தானத்தில் நல்ல சுப பலத்துடன் சஞ்சரிப்பதால், மேலதிகாரிகளின் ஆதரவும், உதவியும் கிடைக்கும். அலுவலகச் சூழ்நிலை, நிம்மதியைத் தரும். தசா, புக்திகள் சாதகமாக இருப்பின், ஊதிய உயர்வு அல்லது பதவியுயர்வு கிடைப்பதற்குச் சாத்தியக்கூறு உள்ளது. 

சனி பகவானுடன் செவ்வாய் இணைந்திருப்பதால், வேலைச் சுமையும், பொறுப்புகளும் உங்கள் பொறுமைக்கு சோதனையாக அமையும். ஒருசிலருக்கு இடமாற்றம் ஏற்படுவதற்கும் வாய்ப்புள்ளது. புதிய வேலைக்கு முயற்சித்து வரும் மேஷ ராசியினருக்கு, வெற்றி கிட்டும். குறிப்பாக, வெளிநாடு செல்ல வேண்டுமென்ற விருப்பமிருப்பின், முயற்சிக்கலாம்.

விவசாயத் துறையினர்: பூமி காரகரான செவ்வாயின் சஞ்சார நிலையே, விவசாயத் துறையினரின் நன்மை - தீமைகளை நிர்ணயிக்கிறது. அத்தகைய பலத்தைப் பெற்றுள்ள செவ்வாய், இம்மாதம் முழுவதும் உங்களுக்கு ஆதரவாக நிைலகொண்டிருப்பதால், தண்ணீர், உரம் போன்ற அடிப்படை வசதிகளுக்குக் குறையிராது. 

வானம் பொய்க்காது, குறித்த காலகட்டங்களில் மழை பொழியும். அதுவும், அளவோடு நிற்கும். பயிர்கள் சேதமடையாமல், சந்தையில் நல்ல விலையையும் லாபத்தையும் பெற்றுத் தரும். பழைய கடன்கள் இருப்பின், அவற்றை அடைத்து நிம்மதிபெற ஏற்ற தருணம், இந்தச் சித்திரை!

 பண வசதி திருப்திகரமாக இருப்பினும், அதற்கேற்ற செலவுகளும் சற்று அதிகமாகவே இருக்கும்.  எந்தச் செலவையும் குறைத்துக் கொள்ள இயலாது. மருத்துவச் செலவுகள் தவிர்க்க இயலாதவை. வயோதிகர்கள், குளியலறைக்குச் செல்லும்போது, மிகவும் அதிஜாக்கிரதையாக இருக்க வேண்டியது அவசியமாகும். ஏனெனில், கிரகநிலைகளின்படி, கீழே விழுந்து, அடிபடுவதற்கு சாத்தியக்கூறு உள்ளது.

இரவு நேரங்களில்தான், ராகுவின் தோஷம் அதிகரிக்கும் என ஜோதிடக் கிரந்தங்கள் விளக்கியுள்ளன. ஆதலால், இரவில் கண்விழித்து,   கழிவறைக்குச் செல்லும்போது, தூக்கக் கலக்கத்தில், வழுக்கி விழுவதற்கு வாய்ப்புள்ளதை ராகுவின் நிலை எடுத்துக்காட்டுகிறது. இதனை நினைவில் வைத்துக்கொள்ளுங்கள். சித்திரை 17-ம் தேதி வரை திருமண முயற்சிகளுக்கு ஏற்ற காலகட்டமாகும். அதன் பிறகு, கிரக நிலைகள்  மாறிவிடுகின்றன.

தொழில், வியாபாரம்: வர்த்தகத் துறையினருக்கு, முதல் இரண்டு வாரங்களைவிட, மூன்று மற்றும் நான்காவது வாரங்களில் லாபம் பல மடங்கு உயரும். சந்தையில் போட்டிகள் குறையும். நிதிநிறுவனங்கள் முன்வந்து உதவுவார்கள். உற்பத்தியை அதிகரிப்பதற்கு ஏற்ற மாதம், இந்தச் சித்திரை!! புது விற்பனைக் கிளைகள் ஆரம்பிப்பதற்கு கிரக நிலைகள் சுப பலம் பெற்றுள்ளன. 

ஏற்றுமதித் துறை அன்பர்களுக்கு, வெளிநாட்டு வர்த்தக நிறுவனங்களிலிருந்து புதிய ஆர்டர்கள் கிடைக்கும். சப்ளை ஒப்பந்தங்கள் கையெழுத்தாகும். புதிய துறைகளில் காலடி பதிப்பதற்கு, ஏற்ற மாதம் இந்தச் சித்திரை!! சிலருக்கு, வியாபாரம் சம்பந்தமாக வெளிநாடு செல்லும் யோகமும் அமைந்துள்ளதை கிரக நிலைகள் எடுத்துக்காட்டுகின்றன. இம்மாத கிரக நிைலகள் வியாபாரத் துறையினருக்கு அரிய வாய்ப்புகளை ஏற்படுத்தித் தரவுள்ளன. பயன்படுத்திக்கொள்வது உங்கள் திறனில் உள்ளது.

அரசியல்துறையினர்:  முதல் இரண்டு வாரங்கள் கிரக நிலைகள் சாதகமாக இல்லை!! பேச்சிலும், செயலிலும், உணர்ச்சிவசப்படாமல் நிதானமாக இருத்தல் மிகவும் அவசியம். மேலும், மேல்மட்டத் தலைவர்களுடன் பழகுவதில் எச்சரிக்கை வேண்டும். அவசியமானால் தவிர, அவர்களைச் சந்திப்பதைத் தவிர்ப்பது தேவையற்ற பிரச்னைகள் ஏற்படுவதைத் தவிர்க்க முடியும். மிக முக்கியமான தேர்தல் நெருங்கிக் கொண்டிருப்பதால், எவர், எவரை சந்தேகிக்கிறார்கள் என்பதை ஊகிக்க முடியாத சூழ்நிலை உருவாகியுள்ளது. உங்களது சிறு செயலையும், மேலிடத் தலைவர்கள் உன்னிப்பாக, உங்களுக்கே தெரியாமல் கண்காணித்து வருவதை, செவ்வாய், ராகு மற்றும் சுக்கிரன் ஆகிய மூன்று கிரகங்களின் சஞ்சார நிலைகளும் வெளிப்படுத்துகின்றன.

குடும்பம்: உங்கள் ராசிக்கு நாதனாகிய செவ்வாய், சனி பகவானுடன் இணைந்து, அர்த்தாஷ்டக தோஷத்தை விளைவிக்கக்கூடிய, கும்ப ராசியில் நிைலகொண்டிருக்கிறார். குரு பகவான், சித்திரை 18-ம் தேதியிலிருந்து உங்களுக்குச் சாதகமாக மாறிவிடுகிறார். சூரியன், இம்மாதம் முழுவதும் ஆதரவாக சஞ்சரிக்கிறார். சித்திரை 11-ம் தேதி  வரைதான் சுக்கிரன் அனுகூலமாக இருக்கிறார்.

முதல் இரண்டு வாரங்கள் வரை, வருமானம் போதிய அளவிற்கு இருக்கும். அதற்குப் பிறகு, எதிர்பாராத செலவுகளால் பணத் தட்டுப்பாடு ஏற்படும். மாதக் கடைசியில், கடன் வாங்க வேண்டிய நிர்ப்பந்தம் ஏற்படும். தவிர்க்க முயற்சி செய்வது, எதிர்காலத்திற்கு நல்லது. திருமண முயற்சிகளுக்கு, இம்மாத கிரக நிலைகள் அனுகூலமாக இல்லை. சனியின் நிலையினால்,  உடல் நலனில் பின்னடைவு ஏற்பட்டு, எளிய சிகிச்சை மூலம் குணம் ஏற்படும்.

மாணவ - மாணவியர்: கிரக நிலைகள் இம்மாதம் முழுவதும் உங்களுக்கு ஆதரவாக இருப்பதால், தேர்வுகளில் தன்னம்பிக்கையையும், ஆர்வமும் மேலிடும். நினைவாற்றல் சரியான விடையளிக்க துணைநிற்கும். வெளிநாடுகளில் விசேஷ கல்வி பயின்றுவரும் மாணவ - மாணவியர் குறித்த காலகட்டத்தில், தங்கள் பிராஜெக்ட்களை முடித்து, வெற்றிபெற அனுகூலமான மாதமிது!

உழைப்பிற்கேற்ற விளைச்சலும், வருமானமும் இருக்கும். கால்நடைகள் அபிவிருத்தியடையும். பழைய கடன்கள் அடைபடும். ஒருசிலருக்கு சொந்த வீடு அமையும் யோகமும் உள்ளது.