நாகலோக மகாராணி மானஸாதேவி

உத்தரகண்ட் - ஹரித்துவார்

வங்காள தேசத்தில் ‘சந்த் சௌதாகர்’ என்று ஒரு வியாபாரி இருந்தார். இவர் சிறந்த சிவபக்தர். சிவனையன்றி மற்றொரு தெய்வத்தை வணங்காதவர். வங்காள தேசத்தில் மானஸா தேவி என்னும் நாகதேவதை பரவலாக வழிபடப்பட்டு வந்தாள். ஆனால் சந்த் செளதாகர் மானஸா தேவியை எதிரியாகப் பாவித்தார்.

தன் ஆளுமைக்கு உட்பட்ட இடங்களில், மானஸா தேவியை பூஜை செய்வதையும் தடுத்து வந்தார். இதனால் கோபமடைந்த மானஸா தேவி, அவருடைய ஆறு குழந்தைகளையும் மரிக்கச் செய்தாள். ஆயினும் இதனால் மனம் தளராத சந்த், தன் கொள்கையை விடவில்லை. அவர் தன் சிவ பூஜையை தொடர்ந்து செய்து வந்தார். ஒரு சமயம் சந்த் செளதாகர் தன் விற்பனைப் பொருட்களை பதினான்கு படகுகளில் நிரப்பி கடலில், செலுத்திச் சென்றார்.