நாம் தூங்கும் போது உண்டாகும் ஸ்லீப் அப்னியா [Sleep apnea] எனப்படும் மூச்சுத் திணறல் நோய், இதய நோய்களுக்கான ஒரு முக்கிய காரணியாக அதிகரித்து வருவது தற்போது அடையாளம் காணப்பட்டு வருகிறது. 

இருப்பினும், நம்முடைய இதயத்திற்கும், தூக்கத்திற்கும் இடையே இருந்துவரும் இந்த அபாயகரமான தொடர்பு குறித்து இந்தியாவின் பல மருத்துவ மையங்களில் இன்னும் முழுமையாகப் புரிந்து கொள்ளப்படவில்லை.

தூங்கும் போது உண்டாகும் மூச்சுத் திணறல் (Obstructive sleep apnea (OSA)) மற்றும் இதய ஆரோக்கியம் இரண்டிற்கும் இடையில் உள்ள தொடர்பு:நாம் தூங்கும் போது சுவாசத்தில் தடை ஏற்படுவது என்பது (Obstructive Sleep Apnea - OSA) மிகவும் பொதுவான பிரச்சினையாக இருந்து வருகிறது. 

நாம் உறங்கும்போது மேல் சுவாசப் பாதை இயல்பு நிலையை மீறி மீண்டும் மீண்டும் சுருங்குவதால், சுவாசத்தில் சிறிய தடைகளை ஏற்படுத்துகிறது. ஒவ்வொரு முறை மூச்சு தடைபடும் போதும், இரத்த அழுத்தம் திடீரென உயர்கிறது, ஆக்ஸிஜன் அளவு குறைகிறது, அதேபோல், மேலும் ‘சிம்பதெடிக் நரம்பு மண்டலம்’ [sympathetic nervous system] செயல்படத் தொடங்குகிறது.

 OSA பக்கவாதம் ஏற்படும் அபாயத்தை அதிகரிப்பதுடன், பக்கவாதத்திற்குப் பிந்தைய நாட்களில் மீண்டு வருவதிலும் மோசமான விளைவுகளை ஏற்படுத்தும் என்பதற்கான ஆதாரங்களும் உள்ளன.

கட்டுப்படாத உயர் இரத்த அழுத்தம் அல்லது இதய செயலிழப்பு வாய்ப்புகளுள்ள பல நோயாளிகளுக்கு, இதுவரையில் கண்டறியப்படாத தூக்கத்தில் உண்டாகும் மூச்சுத்திணறல் அவர்களின் நிலையை மோசமாக்கிக் கொண்டிருக்கலாம் என்பது குறித்த விழிப்புணர்வு ஏற்பட வேண்டியது அவசியம்.

பாலிசொம்னோகிராஃபி (Polysomnography) எனப்படும் தூக்க ஆய்வே நோய்கண்டறியும் சோதனைகளின் உயரிய தரமான கோல்டன் ஸ்டாண்டர்ட்டாக உள்ளது, ஆனால் இந்தியாவின் பல பகுதிகளில் இந்த பரிசோதனையை மேற்கொள்வதற்கான வாய்ப்புகள் மிக குறைவாக உள்ளது. அதிக அபாயம் உள்ள நோயாளிகளுக்கு, வீட்டில் செய்யக்கூடிய தூக்கப் பரிசோதனைகள் (Home-based sleep tests) ஒரு நடைமுறைத் தீர்வாக உருவெடுத்து வருகின்றன.

இருப்பினும், மருத்துவர்கள் மற்றும் பொது மக்கள் மத்தியில் இப்பிரச்சினை குறித்த விழிப்புணர்வு குறைவாக உள்ளது. பல நோயாளிகள் முதலில் இருதய மருத்துவர்கள் அல்லது நீரிழிவு நிபுணர்களிடம் செல்கின்றனர். அவர்கள் நமக்கு ஏற்படும் நிலைகளுக்கு சிகிச்சை அளிக்கிறார்களே தவிர, OSA ஒரு மூல காரணம் என்பதை உணர்ந்து கொள்வதில்லை.

OSA-வை கட்டுப்படுத்துவதில் நம்முடைய உடல் எடை மேலாண்மை முக்கிய பங்கு வகிக்கிறது. ஏனெனில், சிறிய அளவில் நாம் குறைக்கும் எடையும் கூட சுவாசப்பாதை சுருங்குவதைக் குறைத்து தூக்கத்தின் தரத்தை மேம்படுத்தும்.தொடர்ச்சியான நேர்மறை சுவாசப்பாதை காற்றழுத்தம் (Continuous Positive Airway Pressure - CPAP) கொண்ட PAP (Positive Airway Pressure) சிகிச்சை இந்நோய்க்கான தரமான சிகிச்சையாகும். 

உயர் ரத்த அழுத்த பாதிப்பு அல்லது இதய செயலிழப்பு பிரச்சினைகளுள்ளவர்களுக்கு இது உறக்கத்தின்போது மூச்சுக்குழாயை திறந்த நிலையில் வைத்திருக்க உதவுவதோடு, ஆக்ஸிஜன் குறைவதைத் தடுக்கிறது. CPAP-ஐ தொடர்ச்சியாகப் பயன்படுத்துவது இரத்த அழுத்தத்தைக் குறைப்பதோடு, இதயச் செயல்பாட்டையும் மேம்படுத்துகிறது என ஆய்வுகள் நிரூபித்துள்ளன.

CPAP-ஐ பொறுத்துக்கொள்ள முடியாதவர்களுக்கு, தாடைகளை சரிப்படுத்தும் மான்டிபுலர் அட்வான்ஸ்மென்ட் சாதனங்கள் (mandibular advancement devices) அல்லது தூக்கநிலையை சரிப்படுத்துதல் சிகிச்சை (positional therapy) போன்ற மாற்று வழிகள் ஓரளவு நிவாரணம் அளிக்கலாம். மருந்தியல் சிகிச்சைகள், நிவாரணத்தில் ஒரு வரையறுக்கப்பட்ட பங்களிப்பையே வழங்குகின்றன. 

இருப்பினும், GLP-1 அனலாக்ஸ் போன்ற புதிய உடல் பருமன் எதிர்ப்பு மருந்துகளின் மூலம் எடை மற்றும் விசரல் கொழுப்பைக் [visceral fat] குறைப்பதன் மூலம் மறைமுகமாக தூக்க சுவாசத்தடையை குறைக்கலாம்.

தூக்கம் மற்றும் இதய நோய்களுக்கிடையேயான இந்த தொடர்பு, கொள்கை அளவில் கவனத்துடன் செயல்பட வேண்டிய அவசியத்தை உருவாக்கி இருக்கிறது. புற்றுநோய், நீரிழிவு, இதய நோய் மற்றும் பக்கவாதத்தின் தடுப்பு மற்றும் கட்டுப்பாட்டுக்கான தேசிய திட்டத்தில் (NPCDCS), OSA-விற்கான தேர்வுப் பரிசோதனைகளைச் சேர்க்கலாம். 

முதன்மை சுகாதார மருத்துவர்கள் மற்றும் தொழில்நுட்ப வல்லுநர்களுக்கு பயிற்சி அளிப்பதன் மூலம், இந்த சேவைகளை மூன்றாம் நிலை மருத்துவமனைகளுக்கு அப்பாற்பட்டும் விரிவுபடுத்த முடியும்.

குறட்டை மற்றும் பகல்நேர தூக்கம் ஆகியவை பாதிப்பில்லாத பழக்கங்கள் அல்ல; அவை இதய நோயின் எச்சரிக்கை அறிகுறிகளாகவும் இருக்கலாம். வளர்சிதை மாற்றம் மற்றும் இதய நோய்களின் தொற்று நோய் போன்றவற்றின் பாதிப்பை எதிர்கொள்ளும் இந்தியாவிற்கு, OSA-வைக் கண்டறிந்து கட்டுப்படுத்துவது, தடுப்பு மருத்துவத்தின் மிகச் சக்திவாய்ந்த ஒரு வழியாகும். 

மருத்துவர்களுக்கு, இது ஒரு அழைப்பாகும்: ஒவ்வொருடைய இதய ஆரோக்கியம் குறித்த மதிப்பீட்டிலும் தூக்கத்தின் தரத்தையும் சேருங்கள். பொதுமக்களுக்கு, இது நினைவூட்ட வேண்டிய ஒன்றாக அமைந்திருக்கிறது. இரவில் நன்றாகத் தூங்குவது என்பது வெறும் ஓய்வு மட்டுமல்ல; அது உங்கள் உயிரைக் காப்பாற்றக்கூடிய ஒன்றாகும்.