ஒரு படைப்பை வாழும் காலமெல்லாம் நம்மோடு பயணிக்கச் செய்யும் வித்தை ஒருசில படைப்பாளிகளுக்கே கைவரும். அவர்கள் அதைத் தங்களின் முதல் படத்திலே முத்திரை போல பதித்து விடுவார்கள்.

ராஜுமுருகனின் படங்களும், எழுத்தும் அப்படித்தான். அப்படியான ராஜுமுருகனை எழுதத்தூண்டியவர் அவரது அண்ணன் சரவண ராஜேந்திரன். முதன்முறையாக இயக்குநராக  ‘மெஹந்தி சர்க்கஸ்’ என்கிற படைப்போடு இன்று வந்திருக்கிறார் சரவண ராஜேந்திரன்.

படத்துக்கு ராஜுமுருகன் எழுதிய கதை வசனம் பெரும் பலம் என்றால் சரவண ராஜேந்திரனின் திரைக்கதையும் இயக்கமும் ஆகப்பெரும் பலம் என்கிறது படக்குழு. இப்படத்தின் பத்திரிகையாளர்கள் சந்திப்பு சமீபத்தில் நடைபெற்றது.‘‘இந்தப் படத்தில் நடித்தது ஒரு சுகமான அனுபவம்.

ஒரு சாமானியனின் காதலை அழகாகச் சொல்லி இருக்கிறார்கள். குழந்தைகளை இரண்டு மணி நேரம் ஜாலியாக வைத்திருப்பது சர்க்கஸ் கலைதான். அக்கலை இப்போது அழிந்து வருகிறது. அதற்கு சினிமாவும் ஒரு காரணம். அந்த அவலத்தைத்தான் இந்தப் படம்  பதிவு செய்துள்ளது.

‘‘ஒரு மகிழ்ச்சியான நெகிழ்வான மனநிலையை இந்தப் படம் கொடுத்தது. உண்மையான உழைப்புக்கு ஏற்ற மாதிரி படம் வந்திருக்கிறது. ரொம்ப சின்ன வயசுலே எங்க ஊர் ஆற்றங்கரையில் நான், சரவண ராஜேந்திரன் எல்லாம் அரசியல், இலக்கியம் என்று பேசிக்கொண்டிருப்போம்.

அப்போது சரவண ராஜேந்திரன் சொன்னது ஞாபகம் இருக்கிறது. ராஜுமுருகன் கதை எழுதி நீ பாட்டெழுதி நான் படம் இயக்கணும் என்றார். அன்று விளையாட்டாகப் பேசியது இன்று நிஜமாகியுள்ளது. இந்தப்படம் தமிழ்சினிமாவின் மிக முக்கியமான படமாக இருக்கும்’’ என்றார் யுகபாரதி.