மினி பட்ஜெட் கல்யாணம்!

சென்னையில் உள்ள திருமண மண்டபம் வாசலில் பட்டாடைகள் அணிந்து பெண்களும், ஆண்களும் சமூக இடைவெளியை பின்பற்றி
வரிசையாக நின்றிருந்தனர். அவர்களில் ஒருவர் மண்டபத்திற்குள் வருபவரை நெற்றியில் துப்பாக்கி போன்றிருந்த கருவியால் வெப்பநிலையை அளந்து
கொண்டிருந்தார்.

மற்றவர் முகக்கவசம் வழங்க அதற்கடுத்த நின்றிருந்தவர் கையில் சானிடைசர் தெளித்து கொண்டிருந்தார். பார்க்கும் போது மருத்துவமனைக்குள் செல்வது போன்ற உணர்வு ஏற்பட்டது. ஆனால் உள்ளே நுழைந்த பிறகு பன்னீரும், சந்தனமும் நம்மை வரவேற்றது. மணத்தது. மேடையில் புரோகிதர் கெட்டி மேளம் என கையால் சைகை செய்து கொண்டிருந்தார்.

பிறகு தான் இது முகூர்த்தம் நடக்கும் மண்டபம் தான் என உறுதி செய்ய முடிந்தது. கொரோனா தொற்று பரவி வருவதை தொடர்ந்து மத்திய அரசும் மாநில அரசும் விதித்த கெடுபிடிகள் தான் திருமணங்களில் சானிடைசரும், ஸ்கிரீனிங் சோதனையும் கட்டாயமாக்கப்பட்டு விட்டன. எந்த சூழ்நிலையிலும் எளிய முறையில் எந்தவிதமான விழாவையும் சிறப்பாக செய்ய முடியும் என நம்பிக்கையுடன் தெரிவித்தார் ஜனனி. சென்னை வேளச்சேரியை சேர்ந்த இளம் பெண்ணான இவர் கடந்த 5 ஆண்டு களாக ‘Happily Ever After’ என்ற திருமண ஏற்பாட்டு நிறுவனத்தை நிர்வகித்து வருகிறார்.

‘‘கல்லூரியில் பட்டப்படிப்பு படிக்கும் போதே அங்கு நடைபெறும் அனைத்து விழாக்களின் ஏற்பாட்டினை செய்வேன். ஒவ்ெவான்றையும் பார்த்து பார்த்து பட்ஜெட்டுக்கு ஏற்ப செய்வது எனக்கு மிகவும் பிடித்து இருந்தது. அப்போது நான் செய்தது இப்போது என்னுடைய
தொழிலாகவே மாறிவிட்டது.