புதுப்பெண் சோனம் ரகுவன்ஷி, தனது காதலனுடன் இணைந்து, கணவர் ராஜா ரகுவன்ஷியை கூலிப்படையை ஏவி கொலை செய்துள்ளார். திருமணமான சில தினங்களிலேயே இச்சம்பவத்தை அந்தப் பெண் செய்திருக்கிறார் என்பது தான் அதிர்ச்சியாக உள்ளது.

‘‘ஒரு பெண் திருமணம் செய்து கொள்ள விருப்பம் இல்லாத போது... அவள் அந்த வைபோகத்திற்கு ஏன் சம்மதிக்க வேண்டும். அதற்கு முக்கிய காரணம் அவர்கள் வீட்டில் உள்ளவர்கள்.

திருமண வாழ்க்கை பிடிக்கவில்லை என்று விவாகரத்து செய்திருக்கலாம்.  எதற்காக கொலை செய்ய வேண்டும். இந்தியாவில், திருமணம் புனிதமானது. கள்ள உறவில் ஈடுபடுபவர்கள், சமூக அவமானத்திற்கு பயந்து, அதை மறைக்க  முயல்வார்கள். இந்தியாவில் விவாகரத்து இன்னும் முழுமையாக ஏற்றுக்கொள்ளப்படவில்லை, குறிப்பாக பெண்களுக்கு. 

இதனால், விவாகரத்திற்கு பதிலாக, கணவரை முற்றிலும் அகற்றுவது தான் தீர்வாக  பார்க்கிறார்கள். இதனால் அவர்கள் மேல் அனுதாபம் ஏற்படும். விளைவு அவர்கள் விரும்பிய நபரை மீண்டும் திருமணம் செய்துகொள்ள வாய்ப்பு ஏற்படலாம். அந்த கோணத்தில் யோசிக்கும் இவர்கள் கொலை செய்தால் மாட்டிக் கொள்வோம் என்று சிந்தித்திருக்க மாட்டார்கள்.

திருமணத்தில் உணர்ச்சி ரீதியான தொடர்பு மற்றும் பரஸ்பர புரிதல் இல்லை என்றாலும், அது உறவு சிக்கலுக்கு உள்ளாக்கும். தம்பதியர், தங்கள் உணர்வுகளை வெளிப்படையாக பகிர்ந்து, பிரச்னைகளை தீர்க்க முயல வேண்டும். 

உளவியல் ரீதியாக ஏற்படும் பிரச்னைகள் மற்றும் மன அழுத்தம் கூட பெண்களை தவறான முடிவுகளை எடுக்க தூண்டலாம். இந்த மனநிலைக்கு மாரல் டிஸ் என்கேஜ்மென்ட் என்று சொல்வோம். கொலையே செய்திருந்தாலும் அதை செய்ததற்கான காரணம் இருப்பதாக கூறுவார்கள்.

பொதுவாக ஒரு சம்பவம் நடைபெற்றால் நம்முடைய மூளை நான்கு விதமாக சிந்திக்கும். அதை 4 F என்று குறிப்பிடுவோம். முதலில் fight, பிரச்னைகளை எவ்வாறு எதிர்த்து சமாளிக்கலாம் என்பது. அடுத்து flight, தப்பிக்க என்ன வழி என்று சிந்திப்பவர்கள், கொலை செய்து மாட்டிக்கொள்வார்கள். freeze, நடைபெற்ற சம்பவத்தால் மூளை உறைந்து போகும் நிலை. 

fawn, அனுதாபம் தேடும் நிலை. இதன் மூலம் மற்றவர்களை தவறாக பயன்படுத்துவார்கள். இந்த நிலை மாற சமூகத்தில் உறவுகள் குறித்து விழிப்புணர்வு அவசியமாக இருக்கிறது’’ என்றார்