உடல் எடை  குறைப்பு பற்றி பேசுவது, அதற்கென விதவிதமான முயற்சிகள் எடுப்பது என இருபது வருடங்களாக ‘உடல் எடைக் குறைப்பு’ எங்கு பார்த்தாலும் ஒரு பேசு பொருளாகவே இருக்கிறது. 

நம் தோழியிலும் கூட இது சார்ந்து பல கட்டுரைகள் எழுதியிருக்கிறேன். இருப்பினும் ‘அ முதல் ஃ வரை’ முழுமையாக இந்த ஒரே கட்டுரையில் தகவல்களை தர வேண்டும் என நினைத்து எழுதுகிறேன். இந்த ஒரு கட்டுரையே போதும் உடல் எடை குறைப்பு பற்றி தெளிவாகவும், விரிவாகவும் அறிந்துகொள்ள முடியும்.

நம் அனைவருக்கும் தெரிந்த ஒன்று பி.எம்.ஐ மூலம் நமது உடல் எடை சரியான அளவில் இருக்கிறதா என நாமே அறிந்துகொள்ளும் முறை. அப்படி இல்லையெனில் அருகில் உள்ள பொது மருத்துவர் அல்லது இயன்முறை மருத்துவரிடம் சென்றால் அவர் கணக்கிட்டு சொல்வர்.

மேலும் நம் உடலில் எவ்வளவு அளவுகளில் கொழுப்புச்சத்து, தசைகளின் அடர்த்தி, வயிற்றில் உள்ள கொழுப்புச்சத்து, நம் தோளின் கீழ் உள்ள கொழுப்புச்சத்து, எவ்வளவு நீர் சத்து உள்ளது என தனித்தனியாக பிரித்துக் காட்டும் கருவிகளும் இப்போது வந்துவிட்டது. எனவே நமக்கு எஞ்சி இருக்கும் ஒரே ஒரு வேலை வாழ்க்கை முறையை மாற்றி முறைப்படுத்துவது மட்டுமே.

 ஆகவே, உடல் எடையை குறைக்க வேண்டும் என நினைத்தால் முதலில் என்ன செய்ய வேண்டும், என்ன செய்யக் கூடாது என்பதில் நாம் தெளிவாக இருக்க வேண்டும். அதுவே பாதி வெற்றியை தந்துவிடும்.

மீதி வெற்றி நம் மனோதிடத்தில்தான் உள்ளது. அதேபோல, ஒருநாள் பின்பற்றிவிட்டு அடுத்த மூன்று நாள் பின்பற்றாமல் இருப்பது நிச்சயம் பலன் அளிக்காது என்பதை மனத்தில் ஆழப்பதித்து, இயன்முறை மருத்துவம் துணை கொண்டு ஒவ்வொருவரும் ஆரோக்கியத்தை மேம்படுத்திட எனது வாழ்த்துகள்.