உலகில் அதிகளவு மரணம் ஏற்படுவதற்கு முக்கியமான எட்டுக் காரணங்கள் ஹார்ட் அட்டாக், மூளை செயலிழத்தல் (ஸ்ட்ரோக்), சிஓபிடி, கேன்சர், ஆஸ்துமா, டிபி, நிமோனியா, சாலை விபத்துகள். 

இதில், மூன்றாவது இடத்தில் இருக்கும் சிஓபிடி குறித்து மக்களுக்கு அவ்வளவு விழிப்புணர்வு இல்லை. இந்த நிலை நீடித்தால், சிஓபிடி முதலிடத்தில் வருவதற்கும் வாய்ப்புண்டு. எனவே, மக்கள் விழித்துக் கொண்டு தங்களை தற்காத்துக் கொள்ள வேண்டும் என்று கூறுகிறார் நுரையீரல் சிறப்பு மருத்துவர் டி. ரங்கநாதன்.

 சிஓபிடி (Chronic obstructive pulmonary disease) என்பது நாள்பட்ட நுரையீரல் அடைப்பு நோய். சிலர் இந்த சிஓபிடியும் இழுப்பு நோயான ஆஸ்துமாவும் ஒன்று என்று நினைக்கிறார்கள். ஆனால், இவை இரண்டும் வெவ்வேறான நோய்கள். 

இந்தியாவில் 2017ம் ஆண்டின் கணக்கெடுப்பின்படி, எட்டில் ஒருவர் சிஓபிடியினால் மரணமடைகிறார்கள் என்கிறது ஆய்வு.இந்தியாவைப் பொருத்தவரை நாற்பது வயதை கடந்தவர்களில் நூற்றுக்கு 10-20 பேருக்கு சிஓபிடி பாதிப்பு இருக்கிறது. அந்த வகையில் ஒன்றிலிருந்து இரண்டு கோடி மக்கள் ஏற்கெனவே சிஓபிடியால் பாதிக்கப்பட்டுள்ளனர். 

காற்றுமாசு என்று பார்க்கும்போது, இரண்டு வகையான காற்று மாசு இருக்கிறது. ஒன்று வெளிப்புற காற்று மாசு, மற்றொன்று, உட்புற காற்று மாசு.வெளிப்புற காற்று மாசு எனும்போது, பணியிடத்தில் ஏற்படும் மாசு, தொழிற்சாலைகள் ஏற்படுத்தும் புகை, வாகனங்களால் ஏற்படும் புகை, அருகில் இருப்பவர்கள் புகைப்பதனால் ஏற்படும் புகை போன்றவைகளாகும்.

உதாரணமாக ஒரு பணியிடத்தில் ஐந்து பேர் வேலை பார்த்தால், அதில் நாலு பேர் புகைப்பவர்கள் என்றால், அந்த ஐந்தாவது நபர் புகைப்பவர்களின் அருகில் 

சிஓபிடியினால் பாதிக்கப்பட்டவர்களுக்கு அவர்களது வாழ்நாளில் இரண்டரை ஆண்டுகள் குறைந்துவிடுகிறது. அதாவது, ஒருவருக்கு 68 வயது வரை வாழ்நாள் இருக்கிறது என்றால், அதில் இரண்டரை ஆண்டுகள் (30 மாதம்) குறைந்து 66 வயதிலேயே அவர் மரணிக்க நேரிடும்.அடுத்தது உட்புற மாசு, இன்றளவும் கிராமப்புறங்களில் பெரும்பாலான வீடுகளில் விறகு மற்றும் கரி அடுப்புகளில்தான் சமைக்கிறார்கள். 

அந்த புகையினால் ஏற்படும் மாசு. இந்தவகை மாசினால் அதிகம் பெண்களே பாதிக்கப்படுகின்றனர். இதிலிருந்து தப்பிக்க எல்.பி.ஜி. கேஸ் வந்தது மிகப் புரட்சி என்றே சொல்லலாம். அதேசமயம், இந்தியாவை பொருத்தவரை எல்.பி.ஜி இன்னும் நூறு சதவிகிதம் முழுமடையவில்லை என்பதுதான் உண்மை.

சிஓபிடியைப் பொருத்தவரை மருந்து, மாத்திரைகள் மற்றும் மருந்தில்லா மருத்துவமும் அளிக்கப்படுகிறது. மருந்து மாத்திரைகள் என்று எடுத்துக் கொண்டால், நேரடியாக மூச்சுக்குழாய்க்கு செலுத்தக்கூடிய இன்ஹேலர்ஸ் (உரியக் கூடிய மருந்துகள்) மற்றும் மூச்சுக்குழாய் அடைப்பை சரி செய்யும் மாத்திரைகளை தொடர்ந்து எடுத்துக் கொள்வதன் மூலம் சரி செய்யலாம்.

 அடுத்தக்கட்டமாக செய்ய வேண்டியது பழைய வாகனங்களை அப்புறப்படுத்துவது. அதிலும் குறிப்பாக சொல்ல வேண்டும் என்றால் அரசு அலுவலகங்களில் இயங்கி வரும் பழைய வாகனங்களை அப்புறப்படுத்த வேண்டும். 

இதுபோன்ற பழைய வாகனங்கள்தான் அதிகளவிலான புகையை வெளித் தள்ளுகிறது. அடுத்து தொழிற்சாலைகளில் அடைப்பு அதிகமில்லாமல் காற்றோட்டமான சூழலை உருவாக்க வேண்டும். எல்.பி.ஜியை நூறு சதவிகிதம் முழுமையாக்க வேண்டும். இவையெல்லாம் சிஓபிடி வராமல் தற்காத்துக் கொள்ள உதவும்.