வாக்கிங் போகணும், ஜிம்முக்கு போகணும், உடல் எடையைக் குறைக்கணும் போன்ற புத்தாண்டு தீர்மானம் எடுத்துக்கொண்டு மீம்ஸ்களைப் பகிர்ந்து நமது உள்ளக்கிடக்கையை வெளிப்படுத்தி தீர்மானத்தை நிறைவேற்றும் முன்னர் இதோ பொங்கலும் வந்து விட்டது.

‘தை பிறந்தால் வழி பிறக்கும்‘ என தைத்திருநாளையும் கொண்டாட ஆயத்தமாகிவிட்டோம். இருந்தாலும் அந்த உடற்பயிற்சி, நடைப்பயிற்சி விட்ட குறை, தொட்ட குறையாக இருக்கிறதுங்கிற உங்க மைண்ட் வாய்ஸை நான் கேட்ச் பண்ணிட்டேன்.

சோசியல் மீடியாவில் குழு அமைத்து ஆலோசனை சொல்லவோ, நூறு பேரை உற்சாகப்படுத்தவோ ஆரம்பித்திடுவோம். சுற்றத்தாரை உற்சாகப்படுத்துவதில்

ஆனால், இது அறிவியல் பூர்வமானது என்று எந்த நிபுணர்களின் உதவியும் இல்லாமல் பொத்தாம் பொதுவாக ஒருவருடைய உடலமைப்பு, உடல்நலத்தைப் பற்றி அறியாமல் ஆலோசனை சொல்வது தவறான உடல்நிலை மாற்றங்களுக்கு வழி வகுக்கும். அதைக் கருத்தில் கொண்டு கவனமாகச் செயல்பட வேண்டும்.

பல வருடங்களுக்கு முன்பாக கல்லூரி படிப்பை முடித்தவுடன் வேலைக்கான நேர்காணலில் உடல் எடை குறைந்ததை எவ்வாறு அளவிடுவீர்கள், எப்படி அறிந்துகொள்வீர்கள் என்று கேட்கப்பட்ட கேள்விக்கு ஓவர் ஸ்மார்ட்டாக பதில் சொல்கிறேன் என்று கடைசி வரியாக நமது உடலை கண்ணால் பார்த்து தெரிந்து கொள்வோம் என்று கூறினேன்.

இது போன்ற குழப்பத்தைத் தீர்க்கத்தான் உலகம் முழுமைக்குமான பொதுவானதாக உலக சுகாதாரம் நிறுவனம் (WHO) உடல் பருமனை வரையறுத்திருக்கிறது.அதாவது உடல் பருமன் அல்லது அதிக எடை என்பது, அசாதாரணமாகவோ, அதிகப்படியாகவோ உடலில் சேகரமாகும் கொழுப்பு. இது எதிர்மறையாக உடல் ஆரோக்கியத்தை பாதிக்கும். 

அதிக உடல் எடையை (over weight), உடல் பருமனை (obesity) எவ்வாறெல்லாம் கணக்கிடலாம்?ஆங்கிலத்தில் BMI (Body mass index) எனப்படும் உடல் நிறை குறியீட்டெண் மூலமாக உலக சுகாதார மையம் அதிக உடல் பருமன், உடல் எடையை வரையறுக்கிறது. இது எவ்வாறு கணக்கிடப்படுகிறது:

இதன் மூலமாக உடலில் தோலிற்கு அடியில் சேகரமாகும் கொழுப்பின் அளவை ஓரளவுக்கு அளவிட முடியும்.மேற்குறிப்பிடப்பட்டவை அனைத்தும் உடலின் அடிபோஸ் திசுக்களில் சேகரமாகும் கொழுப்பின் அளவினை கணக்கீடு செய்யும் அளவீட்டு முறைகள்.

உடலின் எந்த பாகத்தில் அடிப்போஸ் திசுக்கள் அதிகமாக உள்ளதோ அங்கதான் உடற்பயிற்சியால் உடல் உழைப்பினால் கரைக்கப்படாத அதிகப்படியான கொழுப்புக்கள் சேகரமாகிறது. சிலருக்கு வயிற்றுப்பகுதியில், சிலருக்கு தொடைப் பகுதியில், சிலருக்கு, கையின் மேற்பகுதியில் இருக்கும்.

இவ்வகை உடற்பருமனை கடுமையான உடற்பயிற்சி மற்றும் தொடர் உணவுகட்டுப்பாட்டின் மூலம்‌ மட்டுமே குறைக்க முடியும்.