முதுமையில் இளமை!

நோய் நாடி

ஆதிகாலம் முதல் மனிதர்களின் ஆரோக்கியம் மற்றும் ஆயுள் என்பது மிகவும் சிக்கலானதாக இருந்தது. ஏனென்றால், மருத்துவத்துறை வளர்ச்சியடையும் வரை பெரும்பாலும் மனிதர்களின் ஆயுட்காலம் என்பது இருபது வயது முதல் நாற்பது வயது வரையே இருந்திருக்கிறது. இதனால் மனிதன் அவனது இளமையையும், வளர்ந்த நிலை பருவத்தையும் பார்க்காமல் மரணித்த மனிதர்கள்தான் அதிகம் என்று நம்முடைய வரலாறு சொல்கிறது.  

ஆனால், இன்றைய நவீன மருத்துவத்துறை வளர்ச்சியாலும் மற்றும் மக்களின் விழிப்புணர்வாலும் மனிதர்களின் ஆயுட்காலம் அதிகரித்திருக்கிறது என்பது நம் அனைவருக்கும் தெரிந்த விஷயமாகும். மேலும், உலக சுகாதார அமைப்பு வெளியிட்டுள்ள அறிக்கையின்படி, மனிதர்களின் ஆயுட்காலம் நாற்பது வயதிலிருந்து அறுபத்து ஏழு வயது வரை உலகளவில் அதிகரித்திருக்கிறது என்று கூறுகிறது.