டெய்லர் ஸ்விஃப்டுக்கு நிச்சயதார்த்தம் முடிந்திருக்கிறது. தனது பதிமூன்றாவது காதலரான ட்ராவிஸ் கெல்ஸைக் கரம்பிடிக்க உள்ளார். இது அதிகாரபூர்வ எண்ணிக்கை மட்டுமே. பொது வெளிச்சத்துக்கு வராத தற்காலிக பாய்ஃபிரெண்ட்ஸ் குறித்துத் தெரியவில்லை. ட்ராவிஸ் கெல்ஸுக்கு டெய்லர் ஸ்விஃப்ட் நான்காவது காதலி. 

அதிக எண்ணிக்கையிலான அஃபீஷியல் முன்னாள் காதலர்களைக் கொண்டவர்களில் முதலிடத்தில் இருப்பவர் ‘சார்லீஸ் ஏஞ்சல்ஸ்’ புகழ் ட்ரூ பேரிமோர் (Drew Barrymore). மொத்தம் முப்பது பேர். நடிகர் டிகாப்ரியோ முதலிடத்தில் இருக்கக்கூடும் என நினைத்தால் அவருக்கு 28 முன்னாள் காதலிகள்தான். 

அண்மையில் டெய்லர் ஸ்விஃப்ட் குறித்து ராப் பாடகர் கன்யே வெஸ்ட் வெளியிட்டிருந்த வாட்ஸ்அப் ஸ்க்ரீன்ஷாட்டுகள் சர்ச்சையைக் கிளப்பியிருந்தன. தனது முன்னாள் காதலர்களுள் ஒருவரான ஹாரி ஸ்டைல்ஸுடனும் ஜஸ்டின் பைபருடனும் ஒரேநேரத்தில் ஒரே படுக்கையில் ஸ்விஃப்ட் உறவில் ஈடுபட்டார் என்பதே அக்குற்றச்சாட்டு. 

இதைக் கேட்டு கொதித்த தற்போதைய காதலரான ட்ராவிஸ் கெல்ஸ், கன்யே வெஸ்டுடன் ‘ஒத்தைக்கு ஒத்தை’ சண்டை போடப் போவதாகச் செய்திகள் வெளியாகின. ஐரோப்பிய நாவல்களிலும் வன்மேற்குப் படங்களிலும் மட்டுமே படித்திருந்த / கண்டிருந்த இரட்டையர் தனிச்சண்டையைப் (duel) பார்த்துவிடலாம் என உலகம் ஆவலாகக் காத்திருந்தது.