ஆம் ஆத்மி கட்சியின் தேசிய அமைப்பாளரான அரவிந்த் கெஜ்ரிவால் தில்லி முதல்வர் பதவியை ராஜினாமா செய்ததையடுத்து எட்டாவது புதிய முதல்வராக பதவியேற்றுள்ளார் அதிஷி.

சுஷ்மா சுவராஜ், ஷீலா தீட்சித் ஆகியோருக்குப் பிறகு தில்லியின் மூன்றாவது பெண் முதல்வர் அதிஷி. அதுமட்டுமல்ல; 43 வயதான அதிஷி இந்தியாவின் இளம் முதல்வர் என்ற பெருமையையும் பெற்றுள்ளார். தில்லி முதல்வராக பதவி வகித்து வந்த அரவிந்த் கெஜ்ரிவால் புதிய மதுபானக் கொள்கை வழக்கில் கடந்த மார்ச் மாதம் அமலாக்கத்துறையால் கைது செய்யப்பட்டார். திகார் சிறையில் அடைக்கப்பட்டிருந்த கெஜ்ரிவாலை பிறகு சிபிஐயும் கைது செய்தது.

இந்தக் குழுக்களில் பல்வேறு பின்னணியிலிருந்து வந்தவர்கள் பொறுப்பில் அமர்த்தப்பட்டனர். குறிப்பாக திங் டேங்க் எனப்படும் சிந்தனைக் குழுவினைச் சேர்ந்தவர்களும், கல்வியாளர்களும் அதில் இடம்பெற்றனர். 

பின்னர் 2015ம் ஆண்டு முதல் 2018 வரை தில்லி துணை முதல்வராகவும் ஆம் ஆத்மி தலைவராகவும் இருந்த மணிஷ் சிசோடியாவின் அட்வைஸராகப் பணியாற்றினார். 2015ம் ஆண்டு தில்லி சட்டமன்றத் தேர்தலில் ஆம் ஆத்மியின் தேர்தல் அறிக்கை உருவாக்கத்திலும் பங்களித்தார். இது அவரை தீவிர அரசியல் களத்திற்குள் இறங்க தயார்படுத்தியது.

தொடர்ந்து 2019ம் ஆண்டு கிழக்கு தில்லியின் லோக்சபா தேர்தலில் போட்டியிட்டார். ஆனால், அப்போது முன்னாள் கிரிக்கெட் வீரரும், தற்போதைய இந்திய அணியின் பயிற்சியாளருமான பாஜவைச் சேர்ந்த கவுதம் கம்பீரிடம் 4.77 லட்ச வாக்கு வித்தியாசத்தில் தோல்வியைத் தழுவி மூன்றாம் இடமே பிடித்தார்.

இதற்கிடையே 2018ம் ஆண்டு தன்னுடன் இணைந்திருந்த மர்லினா பெயரை நீக்கினார். காரணம், அதிஷி வெளிநாட்டுக்காரர், கிறிஸ்தவர் என்ற வதந்திகளைப் பரப்பி அவருக்கு எதிராக பாஜவினர் பிரசாரம் செய்வதாக ஆம் ஆத்மி கட்சி நிர்வாகிகள் சிலர் தெரிவித்துள்ளனர். இதனால் மர்லினா உள்பட குடும்பப் பெயரை நீக்கிவிட்டு அதிஷியை மட்டும் பயன்படுத்தத் தொடங்கினார்.

மாணவர்களின் ஒட்டுமொத்த நலனையும் கருத்தில்கொண்டு புதுமையான ‘மகிழ்ச்சி’ பாடத்திட்டத்தையும் அறிமுகப்படுத்தினார். இந்த மாற்றங்கள் எல்லாம் அவருக்கு நிறைய புகழைப் பெற்றுத் தந்தது.  இந்நிலையில்தான் அரவிந்த கெஜ்ரிவால் ராஜினாமா செய்ய ஒருமனதாக தில்லியின் முதல்வராகத் தேர்ந்தெடுக்கப்பட்டு பதவியேற்றுள்ளார் அதிஷி.

தற்போது கொல்கத்தாவின் மம்தா பானர்ஜிக்குப் பிறகு இந்தியாவில் பெண் முதல்வராக இருக்கும் இரண்டாவது பெண் அதிஷி என்பது குறிப்பிடத்தக்கது.  அடுத்த ஆண்டு தில்லி சட்டமன்றத்திற்குத் தேர்தல் நடக்கவுள்ளது. அதனால், அதிஷி குறுகிய காலமே முதல்வராக இருப்பார். என்றாலும், முதல்வராகத் தன் கடமைகளைத் திறம்படச் செய்வார் என்கின்றன தகவல்கள்.

அதனால்தான் அந்த ரிஸ்க் எடுக்க விரும்பாத லாலுபிரசாத் யாதவ் தன் மனைவி ராப்ரி தேவியையே, தான் சிறைக்குச் செல்லும்போது முதல்வராக்கினார்.ஆனால், ஜனதா தளத் தலைவரான நிதிஷ் குமாரோ, தான் பதவி விலக நேர்ந்தபோது, தன் கட்சியில் உள்ள பட்டியலினத்தைச் சேர்ந்த ஜீதன்ராம் மஞ்சியை தன் இடத்தில் வைத்துச் சென்றார். 

பீகாரின் முதல்வராக்கினார்.ஜீதன்ராம் மஞ்சி 278 நாட்கள் முதல்வராகப் பதவி வகித்தார். நிதிஷ் திரும்ப வந்து மீண்டும் முதல்வரான போது ஜீதன்ராம் மஞ்சி நிதிஷுக்கு எதிரானவராக மாறி, பாஜகவின் கைப்பாவையாகி கட்சியைப் பிளந்தார்.

இதே நிைலமைதான் சமீபத்தில் ஜார்கண்ட் மாநில முதல்வர் ஹேமந்த் சோரனுக்கும் நடந்தது. தான் சிறை சென்ற காலத்தில் அவர் சம்பை சோரனை முதல்வராக்கிவிட்டுச் சென்றார். சிறையில் இருந்து வந்து மீண்டும் முதல்வராக ஹேமந்த் சோரன் பதவி ஏற்றபோது சம்பை சோரன் எதிரியாகிவிட்டார். பாஜக அவரைக் கையில் எடுத்துக் கொண்டது.தற்போது அரவிந்த் கெஜ்ரிவாலும் இந்த ரிஸ்க்கை எடுத்துள்ளார். 

‘‘நான் மக்கள் நல ஆட்சியைக் கொடுத்தவன். அதனால்தான் என்னை மக்கள் மீண்டும் மீண்டும் தேர்ந்தெடுக்கின்றனர். நேர்மையாளனான என்னை பாஜக ஊழல் முத்திரை குத்தி கறைபடிந்தவனாக காட்டப் பார்க்கிறது. ஆகவே, மீண்டும் தேர்தலில் நின்று மக்கள் என்னை குற்றமற்றவன் என தேர்ந்தெடுத்த பிறகே முதல்வராகப் பதவி ஏற்பேன்...’’ எனக் கூறியுள்ளார் கெஜ்ரிவால்.

அவருடைய முதல்வர் தேர்வான அதிஷி ஆக்ஸ்போர்ட் யூனிவர்சிட்டியில் படித்தவர். அறிவாளி எனப் பெயர் பெற்றவர். பொதுவாக அரசியல் தலைவர்கள் அறிவாளிகளை சற்று விலக்கியே வைப்பார்கள். விசுவாசிகளை மட்டுமே நெருக்கமாக வைத்துக் கொள்வார்கள்.

ஆம் ஆத்மியை எப்படியாவது அழித்திடவும், பிளந்திடவும் நாளொரு மேனியும்ப் பொழுதொரு வண்ணமுமாகச் செயல்படும் பாஜக என்ன சதித்திட்டம் வைத்திருக்கிறது என்று தெரியவில்லை என்கிறார்கள் அரசியல் பார்வையாளர்கள்.