ஜீவா நடித்த ‘சீறு’ படத்தின் வழியாக தமிழ் சினிமாவுக்குள் நுழைந்தவர் ரியா சுமன். தொடர்ந்து ‘மலேஷியா டூ அம்னீஷியா’, ‘ஏஜென்ட் கண்ணாயிரம்’ உட்பட பல படங்களில் நடித்த ரியா தெலுங்கு, இந்தி மொழிகளிலும் பிசி. 

இப்போது விஜய் ஆண்டனியுடன் ‘ஹிட்லர்’ செய்துள்ளார். தாய்மொழி இந்தி என்றாலும் தமிழ், தெலுங்கு என பல  மொழிகள் இவருக்கு தெரியும். புரொமோஷனுக்காக சென்னை வந்த ரியாவிடம் பேசினோம்.

கேர்ள் நெக்ஸ்ட் டோர்ன்னு கேள்விப்பட்டியிருப்பீங்க. அந்தமாதிரி ரொம்ப சிம்பிளான பொண்ணு இந்த ரியா. அதனாலதான் என்னை தெலுங்கு பொண்ணாகவும், தமிழ் பொண்ணாகவும் பார்க்கிறாங்கன்னு நினைக்கிறேன்.

பிறந்தது மும்பை. வளர்ந்தது ராஜஸ்தான். படிச்சது காமர்ஸ். சின்ன வயசுலேர்ந்து டிராமா, சிங்கிங், டான்சிங்ன்னு ஒரு காம்படிஷனையும் விடமாட்டேன். அந்த ஆர்வம்தான் என்னை சினிமாவுக்கு டைரக்ட் பண்ணுச்சுன்னு நினைக்கிறேன். காலேஜ் முடிச்சதும் ஒரு நல்ல நாள் பார்த்து சினிமாதான் ப்ரொஃபஷன்னு சினிமாவுக்குள் மூழ்கி முத்தெடுக்க வந்துவிட்டேன்.

சினிமாதான் லைஃப்ன்னு  முடிவானதும் எப்படி தயாரானீர்கள்... என்ன மாதிரி படங்களைப் பார்த்து சினிமா அறிவை வளர்த்துக்கொண்டீர்கள்?

அது சூப்பர் அனுபவம். இயக்குநர் தனா சாரின் ஸ்டைல் ஆஃப் டைரக்‌ஷனில் என்ஜாய் பண்ணி நடிக்க முடிஞ்சது. படத்துல நடிச்ச எல்லாருக்கும் ஸ்பேஸ் கொடுத்திருந்தார். அப்படி என்னுடைய கேரக்டரை சென்டிமென்ட், எமோஷன் என எல்லாம் கலந்த கலவையா உருவாக்கியிருந்தார். 

ஷூட்டிங் ஸ்டார்ட் பண்ணுவதற்கு முன்பே என்னுடைய சீன், டயலாக் எல்லாத்தையும்  கொடுத்துட்டதால படப்பிடிப்புக்கு ஆயத்தமா வர முடிஞ்சது. என்னுடைய கேரக்டரை சிறப்பா பண்ண முடிஞ்சதற்கு அதுதான் முக்கிய காரணமா இருக்கும்ன்னு நினைக்கிறேன். அதுதவிர இயக்குநருடன் ஸ்கிரிப்ட் ரீடிங், டயலாக் ரிகர்சலும் இருந்துச்சு.

தனா சார் சினிமா பேஷன் உள்ளவர். அவருக்கென தனி ஸ்டைல் இருந்தாலும் பல இடங்களில் மணிரத்னம் சார் பட சாயலில் வேலை செஞ்சதைப் பார்க்க முடிஞ்சது. ரொம்ப பொறுமையா எல்லோரையும் வழிநடத்தி படத்தை சுமுகமா கொண்டுபோனார். 

தெரியுமா உங்களுக்கு? தனா பெஸ்ட் ஆக்டர். ஆர்ட்டிஸ்ட் எப்படி நடிக்கணும் என்பதை விளக்கமா சொல்வதோடு, கேமரா முன் நின்று எப்படி எக்ஸ்பிரஷனை வெளிப்படுத்தணும்ன்னு நடிச்சும்காட்டுவார். அந்த மாதிரி டைரக்டருடன் ஒர்க் பண்ணும்போது அது ஆர்ட்டிஸ்ட்டுகளுக்கு ரொம்ப ஈசின்னு சொல்லலாம்.

நானி சார் படம் பண்ணும்போது சினிமாவுக்கு நான் புதுசு. லைட்டிங், டயலாக் டெலிவரி என டெக்னிக்கல் அம்சங்களைத்தான் அதிகமா பேசுவோம்.சந்தானம் சார் பற்றி சொல்லவே வேண்டாம். எப்பவுமே ஜோக் அடிச்சுட்டே இருப்பார். 

சீரியஸ் பேச்சுக்கே அங்கே இடம் இருக்காது.  விஜய் ஆண்டனி சார் என்னிடம் பேசினார்ன்னு சொல்வதை விட நான்தான் அவரிடம் பேச்சு கொடுத்தேன். டிராவல் பற்றி அதிகம் பேசுவோம். லைஃப் பற்றி நிறையப் பேசுவோம். ‘எல்லோருடைய சிந்தனைகளும் ஒன்றில்லை. எல்லோருக்கும் சுதந்திரம் இருக்கு’ன்னு கொஞ்சம் தத்துவமாவும் பேசுவார்.ஆன்மிகமும் கிராஸ் ஆகும்.

சமீபத்துல நடந்த ‘தேவரா’ நிகழ்ச்சியில் ஜூனியர் என்டிஆர் சார் பேசும்போது, ‘வெவ்வேறு மொழி பேசுபவர்களா இருந்தாலும் சினிமா எல்லோரையும் ஒன்று சேர்த்துள்ளது’ என்றார். அதைத்தான் நானும் சொல்ல விரும்புகிறேன். பாலிவுட், கோலிவுட், டோலிவுட்ன்னு பிரிச்சுப்பார்த்த காலம் மலையேறிடுச்சு. இப்ப எல்லாமே சினிமா.