இப்படியொரு சினிமா என்ஸ்பீரியன்ஸ் இருக்கிறதா என வியக்கும் வகையில் ஒட்டுமொத்த இந்தியாவையும் திரும்பிப் பார்க்க வைத்தன கன்னட சினிமாவில் இருந்து வெளியான ‘கேஜிஎஃப்’ வரிசைப் படங்கள்.

‘கேஜிஎஃப்’பின் முதல் & இரண்டாவது பாகங்கள் வசூலில் பல சாதனைகளைப் படைத்தன. இதனால் ‘கேஜிஎஃப் 3’ பாகத்திற்கான எதிர்பார்ப்பும் எகிறியிருக்கிறது.அதற்கேற்ப ‘கேஜிஎஃப் 3’ பற்றிய தகவலை இயக்குநர் பிரஷாந்த் நீல் பகிர்ந்திருக்கிறார்.

‘‘கேஜிஎஃப் 3 வேலைகள் நடந்து கொண்டிருக்கின்றன. இந்தப் படத்தை நான் இயக்குவேனா இல்லையா என்பது உறுதியாகத் தெரியவில்லை. ஆனால், நாயகன் யாஷ் இதில் இருப்பார். எங்களிடம் ‘கேஜிஎஃப் 3’க்கான கதை கைவசம் ஏற்கனவே இருக்கிறது. 

இந்த அறிவிப்புக்கு முன்பே நாங்கள் இதுதான் கதை என முடிவு செய்துவிட்டோம்...’’ என்று கூறியிருக்கிறார் பிரஷாந்த் நீல்.‘கேஜிஎஃப் 3’ படத்தை பிரஷாந்த் நீல் இயக்குவேனா மாட்டேனா என்பது தெரியாது என்று கூறுவதற்கு காரணம், பிரஷாந்த் நீல் அடுத்து ஜூனியர் என்.டி.ஆர்-ஐ வைத்து புதிய படம் ஒன்றை இயக்கவிருப்பதால்தான்.