யெஸ். பி.சி.முஸ்தபாவின் இந்த வெற்றிக் கதை, சர்வநிச்சயமாக அனைவருக்கும் எனர்ஜி தரும். வாழ வேண்டும் என்ற எண்ணத்தை பலப்படுத்தும். வாழலாம் என நம்பிக்கையை அளிக்கும்.

முஸ்தபாவும் மீண்டும் தன் படிப்பைத் தொடர ஒப்புக்கொண்டார். ஆனால், இம்முறை தன்னை விட வயது குறைவானவர்களுடன் அமர்ந்து கற்க வேண்டியிருந்தது. மனதை இது சங்கடப்படுத்தியபோதும் முஸ்தபா அதை எதிர்கொண்டார். விளைவு... பள்ளி ஆசிரியர்களே ஆச்சர்யப்படும் வகையில் 7ம் வகுப்பிலும் 10வது வகுப்பிலும் முதலிடம் பிடித்தார்! 

ஆனாலும் ஆங்கிலத்தில் அவர் பலவீனமாக இருந்தார். இச்சூழலில்தான் நட்பின் அருமையை உணர்ந்தார். முஸ்தபாவின் நண்பர் ஒருவர், அனைத்து ஆங்கில விரிவுரைகளையும் தாய்மொழியில் மொழிபெயர்த்து புரியவைத்தார். கற்பூரமாக முஸ்தபாவும் பற்றிக் கொண்டார். கூடவே ஆங்கிலத்தையும் மெல்ல மெல்ல கற்கத் தொடங்கினார்.

இப்படியே படிப்படியாக உயர்ந்தவர் ஒரு கட்டத்தில் ஒரு லட்சம் சம்பளத்தில் துபாயில் உள்ள சிட்டி வங்கியில் சேர்ந்தார். மெல்ல மெல்ல ஐரோப்பா மற்றும் மத்திய கிழக்கு நாடுகளில் உள்ள பல பன்னாட்டு நிறுவனங்களிலும் பணியாற்றினார்.2000ம் ஆண்டு இன்டீரியர் டிசைனரான சஜ்னா என்பவரை முஸ்தபா திருமணம் செய்து கொண்டார்.

இன்று இத்தம்பதியருக்கு மூன்று பிள்ளைகள்.2003ல் பெங்களூருக்கு ₹15 லட்சம் சேமிப்புடன் திரும்பினார். வணிக மேலாண்மையில் ஆர்வத்தை வளர்த்துக் கொண்டார். த இந்தியன் இன்ஸ்டிடியூட் ஆஃப் மேனேஜ்மென்ட் - ஐஐஎம் - பெங்களூருவில் உயர் கல்வி பயின்றார்.