நவீன மருத்துவம் நாளொரு கண்டுபிடிப்பும் பொழுதொரு டெக்னாலஜியுமாக விஸ்வரூபம் எடுத்துக்கொண்டிருக்கிறது. 

அதிலும் குறிப்பாக நோய் குறி அறிதல் எனும் Diagnostic துறையில் நிறைய புதுப் புது கண்டுபிடிப்புகள் இன்று உருவாகி, மானுட உயிர் காக்கும் அற்புதமான பணியில் இன்று முன்னணியில் இருக்கின்றன. அல்ட்ரா சவுண்ட் அதில் தனித்துவமானது.

அல்ட்ரா சவுண்ட் என்ற தொழில்நுட்பத்தை மனிதன் பத்தொன்பதாம் நூற்றாண்டிலேயே கண்டுபிடித்துவிட்டாலும் அது நடந்து சுமார் முக்கால் நூற்றாண்டுகள் கழித்தே அது மருத்துவத் துறைக்குள் வந்தது. 

ஜான் வைல்டு என்ற இங்கிலாந்து மருத்துவரை, ‘அல்ட்ரா சவுண்ட் தொழில்நுட்பத்தின் தந்தை’ என்பார்கள். இவர், 1949ம் ஆண்டு முதன் முதலாக இந்தத் தொழில்நுட்பத்தின் இன்றைய வடிவத்துக்கு இணையான வடிவில் பயன்படுத்தினார்.

அதன் பிறகு டெக்னாலஜியாக அல்ட்ரா சவுண்ட் இன்று மருத்துவத் துறையில் பெரிய அளவுக்கு வளர்ந்திருக்கிறது.அல்ட்ராசவுண்ட் (Ultrasound) எனப்படும் ஒலிவெண்கதிர் படம் எடுக்கும் நுட்பம் இன்று மருத்துவ உலகில் அவசியமான ஒரு பாகமாக உருவெடுத்துள்ளது. 

ஆரம்பத்தில் கருப்பை வளர்ச்சியை (Fetal Imaging) பார்ப்பதற்காக மட்டுமே பயன்படுத்தப்பட்ட இந்த தொழில்நுட்பம், இன்று கல்லீரல் நோய்கள், மூட்டு சிகிச்சை, இதய நோய்கள், மூக்கு, காது, தொண்டை, சிறுநீரகங்கள் என பல துறைகளில் பரவலாகப் பயன்படுகிறது.

அல்ட்ராசவுண்ட் என்பது நிகழ் காலத்தில் மட்டுமல்ல எதிர்காலத்திலும் மிகப் பெரிய பங்களிப்பைச் செய்யப்போகிறது. இதனை எதிர்கால மருத்துவத்தை இன்றே கட்டமைக்கும் தொழில்நுட்பம் என்றும் சொல்லலாம்.இது கதிர்வீச்சில்லாத, இடத்தை மாற்றக்கூடிய, முற்றிலும் பாதுகாப்பான ஒரு மருத்துவ ஒளிப்பட நுட்பம். 

ஆரம்பத்தில் கருப்பை உருவத்தை காண உதவிய இந்த தொழில்நுட்பம் இன்று ஒவ்வொரு நோய்த்துறையிலும் முக்கிய பங்கு வகிக்கிறது. தொடர்ச்சியாக புதிய வசதிகள் சேர்க்கப்பட்டு, மருத்துவர்களின் அனுபவம் வளர்ந்துவரும் நிலையில், அல்ட்ராசவுண்ட் நிச்சயமாக எதிர்கால மருத்துவத்தில் வழிகாட்டியாக இருக்கும்.