இதயம் நமக்கே நமக்காக வாழ்நாளெல்லாம் துடிக்கும் ஒரே உயிர் வஸ்து. நமக்கு மிகப் பிடித்தமானவர்களை இதயத்தில் வைத்திருக்கிறோம் என்போம். நீ என் உயிர் என்பதற்கு அடுத்த நிலையில் நம் இதயத்தையே அவர்களுக்கு உருவகப்படுத்துவோம். மனிதன் உயிர் வாழ இதயம் போல் இன்றியமையாத உடல் உறுப்பு பிறிதொன்று இல்லை. 

ஆனால், இந்த இதயத்தை ஆரோக்கியமாக வைத்துக்கொள்வது எப்படி என்றுதான் பெரும்பாலானவர்களுக்குத் தெரிவதில்லை. இதயம் எனும் உயிர் காக்கும் உன்னத உறுப்பை ஆரோக்கியமாக வைத்துக்கொள்வது எப்படி அதை நோக்கிய பயணம்தான் இந்தத் தொடர். இந்த இதழில் இளைய சமுதாயம் இதய நலனில் காட்ட வேண்டிய அக்கறை பற்றி பார்ப்போம்.

சமீப காலங்களில், நான் எண்ணற்ற இளம் நோயாளிகளுக்கு சிகிச்சை அளித்து வருகிறேன். இவர்கள் 20, 30 மற்றும் 40 வயதுடைய இளைய தலைமுறையினர் என்பது குறிப்பிடத்தக்கது. ஒரு காலத்தில், இந்த வயதுடையவர்களுக்கு மிகவும் அரிதாக ஏற்படும் நோயாக கருதப்பட்ட கடுமையான இதயப் பிரச்சினைகளுடன் இவர்கள் இப்போது உள்ளனர். 

அப்போலோ ஹெல்த் ஆஃப் தி நேஷன் அறிக்கை 2024 [The Apollo Health of the Nation Report 2024] மிகவும் ஆபத்தான இந்த போக்கை உறுதிப்படுத்துகிறது.

இந்த இளைஞர்கள் பெரும்பாலும் பரபரப்பான நகர்ப்புற வாழ்க்கையை வாழ்பவர்கள். ஒரு பக்கம் அதிக நேரம் பிடிக்கும், டென்ஷனான வேலை, மறுபக்கம் தங்களுடைய   குடும்பத்தின் மீதிருக்கும் பொறுப்புகள் என இவை இரண்டையும் இவர்கள் ஒன்றையொன்று பாதிக்காத வகையில் சரிசமமாக கையாள முயன்று வருகிறார்கள். 

ஆனால் நான் பார்ப்பது என்னவென்றால், அவர்களின் வாழ்க்கை முறை இதய ஆரோக்கியத்தை கொஞ்சம் கொஞ்சமாக அரித்து வருவதைதான்.

இன்றைய இளம்தலைமுறையைச் சேர்ந்த இந்தியர்களில் கிட்டத்தட்ட 60% பேர், தங்கள் பணியிடங்களில் உட்கார்ந்தோ அல்லது பணி நிமித்தமாக பயணித்தாலோ கூட ஒரு நாளைக்கு எட்டு அல்லது அதற்கு மேற்பட்ட மணிநேரம் வேலை பார்ப்பதில் நேரத்தைச் செலவிடுகிறார்கள். 

இது தேசிய சுகாதார ஆய்வுகளில் ஆவணப்படுத்தப்பட்டிருக்கும்  உடல் செயலற்ற தன்மையின் காரணமாக உருவாகும் தொற்றுநோய்க்கு இது பங்களிக்கும் வகையில் அமைந்திருக்கிறது  என்பதே உண்மையாகும்.

மறைக்கப்பட்ட சுமைகள்: திட்டமிட்ட உணவுமுறை, வளர்சிதை மாற்றம் மற்றும் அமைதியான அபாயங்கள் சமீப காலமாகவே, பல இளம் இந்தியர்களின் உணவு உட்கொள்ளும் முறைகள் வெகுவாக மாறிவிட்டன. 

சுத்திகரிக்கப்பட்ட சர்க்கரைகள், டிரான்ஸ் கொழுப்புகள் மற்றும் அதிகப்படியான உப்பு ஆகியவற்றை தங்கள் உணவில் பயன்படுத்துவது என்பது வெகு சாதாரணமாகிவிட்டது. உலக சுகாதார அமைப்பின் கூற்றுப்படி, 18 வயதிற்கு மேற்பட்ட இந்தியர்களில் கிட்டத்தட்ட 20% பேருக்கு உடல் பருமனாக இருக்கிறது.

போதிய விழிப்புணர்வு இல்லாத இந்த சூழலானது, அவர்களுக்கு அளிக்கப்படும் சிகிச்சையை தாமதப்படுத்துவதோடு, கொஞ்சம் கூட வெளியே தெரியாமல் அவர்கள் ஆரோக்கியத்தில் பெரும் பாதிப்பை உருவாக்குகிறது.  

இவை எல்லாவற்றுக்கும் மேலாக, வைட்டமின் டி குறைபாடானது - மக்கள்தொகையில் 80% -க்கும் அதிகமானோரை பாதிக்கிறது. இதனால் அவர்களின் ரத்த குழாய்களின் செயல்பாடு வெகுவாக பாதிக்கப்படுவதோடு, வீக்கத்தையும் அதிகரிக்கிறது. இதன் தொடர்ச்சியாக இரத்த நாள செயல்பாட்டை பலவீனப்படுத்துவதால் அவர்களுக்கு இதயம் தொடர்பான பிரச்சினைகளையும் உருவாக்குகிறது.

அறிகுறிகளை வெளிக்காட்டாமலேயே இருப்பது ஆனால் அதன் பாதிப்பு துரிதமாக ஏற்படுவது போன்ற நிலைமையானது இது போன்ற பிரச்சினைகளை சவாலானவையாக மாற்றிவிடுகின்றன.

பல இளம்வயதுடைய நோயாளிகளுக்கு மாரடைப்பு போன்ற கடுமையான பிரச்சினையை எதிர்கொள்ளும்வரையிலும் கூட, அவர்களுக்கான அதற்கான அறிகுறிகள் எதுவும் வெளியே தெரிவதில்லை.  இதுபோல் அறிகுறிகள் எதுவும் வெளிப்படையாக தெரியாத போது நாம் ஒரு நோய்க்கான அறிகுறிகளை மட்டுமே  நம்பியிருக்க முடியாது.

ஒரு இளம் வயதுடைய நோயாளிக்கு மாரடைப்பு ஏற்படும் போது, ​​அதன் தாக்கம் மருத்துவமனை சிகிச்சைகளோடு முடிந்துவிடுவதில்லை. ஆனால் அதற்கு அப்பாலும் இயல்பு வாழ்க்கையில் அதன் பாதிப்பு நீண்டு கொண்டே செல்லும்.  

இதனால அவர்களின் குடும்பங்களும் எதிர்பாராத திடீர் இடையூறுகளை எதிர்கொள்ள வேண்டியிருக்கும். பாதிக்கப்பட்டவரின் தொழிலும் கூட அப்படியே ஏதோ ஒரு வகையில் ஸ்தம்பித்துவிடுகின்றன. இதன் தொடர்ச்சியாக பொருளாதார செலவுகள் மளமளவென அதிகரிக்க ஆரம்பித்துவிடுகின்றன.

சிகிச்சை முறைகளில் உண்டாகியிருக்கும் நவீன முன்னேற்றங்கள் மற்றும் எதிர்கால சிகிச்சை பாதை அதிர்ஷ்டவசமாக, சிகிச்சை  முறைகளில் நவீன மருத்துவ கண்டுபிடிப்புகளின் மூலம் பெரும் முன்னேற்றங்கள் இருந்து  வருகின்றன. 

இதில் ரோபோடிக் உதவியுடன் மேற்கொள்ளும் இருதய அறுவை சிகிச்சை பெரும் நம்பிக்கையளிக்கும் முன்னேற்றங்களில் ஒன்றாக இருக்கிறது. இது மிகவும் துல்லியமான, உடலில் குறைந்தபட்ச அறுவைசிகிச்சை ஊடுருவலுடன் மேற்கொள்ளும் வசதிகளும் வந்துவிட்டன.