கம்பு புட்டு

தேவையான பொருட்கள்

கம்பு - ஒரு கப்,
உப்பு - தேவைக்கேற்ப,
நெய் - ஒரு தேக்கரண்டி,
ஏலக்காய் தூள் - அரை டீஸ்பூன்,
சர்க்கரை - தேவைக்கேற்ப,
தேங்காய் துருவல் - கால் கப்,
முந்திரி - ஒரு டீஸ்பூன்,
திராட்சை - ஒரு டீஸ்பூன்,
பிஸ்தா - ஒரு டீஸ்பூன்.

செய்முறை

கடாயில் நெய் ஊற்றி காய்ந்ததும் முந்திரி, திராட்சை, பிஸ்தா போட்டு பொன்னிறமாக பொரித்து எடுத்துக் கொள்ளவும். ஒரு கிண்ணத்தில் கம்பு மாவு, உப்பு சேர்த்து கலந்து கொள்ளவும். பிறகு, அதில் தண்ணீர் தெளித்து உதிரி உதிரியாக பிசைந்து கொள்ளவும். பிறகு, இட்லி பாத்திரத்தில் வைத்து பத்து நிமிடம் ஆவி கட்டி, ஒரு கிண்ணத்தில் போட்டு உதிர்த்து கொள்ளவும். அதில் ஏலக்காய் தூள், நெய் சிறிதளவு, தேங்காய் துருவல், சர்க்கரை, நெய்யில் வறுத்த முந்திரி, திராட்சை, பிஸ்தா ஆகியவற்றை சேர்த்து நன்றாக கலந்து பரிமாறவும்.