பீட்ரூட் உருளை அல்வா

தேவையான பொருட்கள்

பீட்ரூட் - ஒன்று,
உருளைக்கிழங்கு - ஒன்று,
சர்க்கரை - ஒரு கப்,
பால் - 3 கப்,
சோள மாவு - ஒரு தேக்கரண்டி,
முந்திரி - 8,
உப்பு - ஒரு சிட்டிகை,
நெய் - கால் கப்.

செய்முறை

பீட்ரூட் மற்றும் உருளைக்கிழங்கை வேக வைத்து தோல் உரித்து கால் கப் பால் சேர்த்து அரைத்து கொள்ளவும். ஒரு கடாயில் நெய் ஊற்றி அதில் முந்திரியை வறுத்து எடுத்துக் கொள்ளவும். மூன்று கப் பாலை அரை கப்பாகும் அளவிற்கு நன்கு சுண்ட காய்ச்சவும். ஒரு பாத்திரத்தில் அரைத்த விழுதை ஊற்றி, அதோடு கால் கப் பாலில் சோள மாவு கரைத்து ஊற்றி அடுப்பில் வைத்து கிளறவும். அதனுடன் சர்க்கரை மற்றும் உப்பு சேர்த்து இடைவிடாது, சிறிது சிறிதாக நெய் சேர்த்து கிளறவும். கெட்டியாக வரும் வரை கிளறி இறக்கி, முந்திரி சேர்க்கவும். சுவையான பீட்ரூட் உருளை அல்வா தயார்.