கிறிஸ்டி பிரவுன் என்ற ஓவியர், கவிஞர், எழுத்தாளரின் வாழ்க்கைக் கதை ‘My Left Foot’. பிரவுன் மூளையில் ஏற்பட்ட குறைபாடு அவரது உடலை முடக்கிவிட, இடதுகால் மட்டுமே இயங்கியது.

பிரவுனின் அம்மா, இறுதிவரை அவரின் ஆன்ம பலமாக இருந்தார். பிரவுன் தனது இடக்காலால் எழுதும் முதல் சொல்லே ‘mother’ என்பதுதான். பேச்சுப்பயிற்சியாளர் மீது பிரவுன் கொள்ளும் ஒருதலைக்காதலை அப்பெண் தீர்மானமாக மறுக்க, உடைந்து போகிறார். தாயின் அன்பும், அரவணைப்பும் பிரவுனை மீட்க, அயர்லாந்தின் அட்டகாச எழுத்தாளர் நமக்குக் கிடைத்தார்.

ஸ்கிரிப்ட் வாங்கியவுடன் அக்கதாபாத்திரமாக மாறிவிடும் டேனியல், படம் முடியும்வரை அக்கதாபாத்திரமாகவே வாழ்வார். மை லெஃப்ட் ஃபுட்’ படப்பிடிப்பு முடிந்த பிறகும் வீல் சேரிலேயே வீட்டுக்குப் போயிருக்கிறார். பிறர் ஊட்டிவிட உணவருந்தியவர், வீல்சேரை இயக்கி விலா எலும்புகளை உடைத்துக்கொண்டிருக்கிறார்.

சென்ற ஆண்டு வெளியான ‘Phantom Thread (2017)’ படத்தில் டேனியல், ஃபேஷன் டிசைனராக நடித்திருந்தார். ஃபேஷன் டிசைனிங் பட்டம் பெற்றபோது அவரின் வயது 60. டேனியல் தற்போது தனக்கு நெருங்கிய நண்பர்களுக்கு  காஸ்ட்யூம் டிசைனராக இருக்கிறார்.